ಏನು ಮಾಡಲಿ ನಾನು ಏನು ಹೇಳಲಿ....ಬ್ಲಾಗಿಗರ ಜೊತೆಯಲ್ಲಿ ಕಳೆದ ಕೆಲವು ಕ್ಷಣ

ತ್ರಿ ಮೂರ್ತಿ ಚಿತ್ರದಲ್ಲಿ ಅಣ್ಣಾವ್ರು .."ಏನು ಮಾಡಲಿ ನಾನು ಏನು ಹೇಳಲಿ...".

ಹೀಗೆ ನನ್ನ ತಲೆಯಲ್ಲೂ ಸಿನಿಮಾ  ಓಡುತ್ತಿತ್ತು...ಬರೆಯಲೇ ಬೇಡವೇ...ಬರೆಯಲೇ ಬೇಡವೆ...

ಸರಿ ರಾತ್ರಿ ಸುಮಾರು ೧೦ ಘಂಟೆಗೆ ಜ್ಞಾನೋದಯವಾಯಿತು...ಒಂದು ಅಭೂತಪೂರ್ವ ದೃಶ್ಯ ಮನಪಟಲದಲ್ಲಿ ಕೂತು ಬಿಟ್ಟಿತು....ಆ ದೃಶ್ಯವನ್ನು ಕ್ಯಾಮೆರಾ ಕಣ್ಣಿನಲ್ಲಿ ಸೆರೆ ಹಿಡಿದು ಹೊರಗೆ ಬಂದು ಕಾರಿನಲ್ಲಿ ಕೂತಾಗ...ಹಾಡು ತೇಲಿ ಬರುತಿತ್ತು...
"ಜನುಮ ಜನುಮದ ಅನುಬಂಧ..."  ವಾರೆ ವಾಹ್ ಸಿಕ್ಕೆ ಬಿಟ್ಟಿತು ಒಂದು ಎಳೆ ಬರೆಯೋಕೆ..ಸರಿ ಮನದಲ್ಲಿದುದನ್ನು ಕೀಲಿ ಮನೆಗೆ ಇಳಿಸುವ ಹೊರತು ನಿದ್ದೆ ಬರುವುದಿಲ್ಲ ಎನಗೆ..ಸರಿ...ಶುರುವಾಯಿತು ಪರದೆ ಜಾರಿತು...ಸಿನಿಮಾ ಶುರುವಾಯಿತು...

ಹಿನ್ನೋಟ...

ಕುವೈತ್ ದೇಶದಲ್ಲಿ ನೆಲೆಸಿರುವ ಕರುನಾಡಿನ ಅಜಾದ್ ಸರ್..ಬೆಂಗಳೊರಿಗೆ ಭೇಟಿ ನೀಡಲು ಬಂದಿದ್ದರು...ಬರುವಾಗ...
ಪ ಪ ಪ ಪ ಅಂತ ಒಂದು ಕಹಳೆಯನ್ನೇ ಮಿತ್ರರ ವಾಲ್ ನಲ್ಲಿ ಊದಿಬಿಟ್ಟಿದ್ದರು..ಒಬ್ಬೊಬ್ಬರಾಗಿ ಬೆಂಗಳೂರಿನ ಇತಿಹಾಸ ಪ್ರಸಿದ್ದ ಕಹಳೆ ಬಂಡೆಯ ಹತ್ತಿರ ಇರುವ ಕಾಮತ ಬುಗಲ್ ರಾಕ್ ರೆಸ್ಟೋರಂಟ್ ಬಳಿ ಜಮಾಯಿಸಲು ಶುರುಮಾಡಿದ್ದರು...

ಬ್ಲಾಗಿಗರ ಗುಂಪು! (ಚಿತ್ರ ಕೃಪೆ - ಅಜಾದ್ ಸರ್ )

ಮೊದಲಿಗೆ "ನಿಮ್ಮೊಳಗೊಬ್ಬ ಬಾಲೂ" ಬ್ಲಾಗಿನ ಬಾಲೂ ಸರ್ , ದಾಖಲೆ ಮಾರಾಟಗೊಂಡ "ಅಮ್ಮ ಹೇಳಿದ ಎಂಟು ಸುಳ್ಳುಗಳು" ಪುಸ್ತಕ ಹಾಗು "ಹಾಡು ಹುಟ್ಟಿದ ಸಮಯ" ಹಾಗೂ ಇನ್ನು ಅನೇಕ ಪುಸ್ತಕಗಳ ಕತೃ ಮಣಿಕಾಂತ್ ಸರ್, ಸುಂದರ ನಗೆಯ ಸುಲತ ಹಾಗೂ ನಾನು ಕಾಯುತ್ತ ನಿಂತಿದ್ದೆವು. ಸಮಯ ಕಳೆಯಲೆಂದು ಕಲ್ಲಂಗಡಿ ರಸ ಕುಡಿಯುವ ಎಂದು ಚೀಟಿ ತೆಗೆದುಕೊಂಡೆವು.  ಸುಮಾರು ಅರ್ಧ ಘಂಟೆಯಾದರೂ ಪತ್ತೆ ಇಲ್ಲ...ಬಾಲೂ ಸರ್ ಏನ್ ಶ್ರೀಕಾಂತ್...ಇವರೇನು ತೋಟಕ್ಕೆ ಹೋಗಿದ್ದಾರ ಕಲ್ಲಂಗಡಿ ಬೆಳೆಯಲಿಕ್ಕೆ ಅಂದರು.....ಅಲ್ಲಿದ್ದ ಸುಂದರ (?) ತರುಣಿ ನಮ್ಮಿಬ್ಬರನ್ನೇ ನೋಡುತ್ತಾ ಕಡೆಗೆ ಬೇಜಾರಾಗಿ..ಪೋಸ್ಟ್ ಮಾರ್ಟಂ ಮಾಡುವ ರೀತಿ ಕಲ್ಲಂಗಡಿಯನ್ನ ಕೊಚ್ಚಲು (ಹಃ ಹಃ ಆಕೆ ಹೆಚ್ಚುತ್ತಾ ಇದ್ದದ್ದು ಹಾಗೆ ಇತ್ತು)..ಅಷ್ಟರಲ್ಲಿ ಆಕೆಯನ್ನು ರಕ್ಷಿಸಲು ಇನ್ನೊಬ್ಬ ಮಹನೀಯ ಬಂದು ಚಕ ಚಕಾ ಅಂತ ಜ್ಯೂಸು ಸಿದ್ಧ ಮಾಡಿಕೊಟ್ಟ....ಇನ್ನೇನು ಕುಡಿಯಬೇಕು ಅಷ್ಟರಲ್ಲಿ ಕೃಷ್ಣ-ಅರ್ಜುನರಂತೆ "ಇಟ್ಟಿಗೆ ಸಿಮೆಂಟ್ "ಬ್ಲಾಗಿನ ಪ್ರಕಾಶಣ್ಣ ಮತ್ತು "ಜಲನಯನ "ಮೇಡಂ" ಖ್ಯಾತಿಯ ಅಜಾದ್ ಸರ್ ಒಳಗೆ ಬಂದರು...ಅವರ ಹಿಂದೆಯೇ "ಛಾಯ ಕನ್ನಡಿಯ" ಪ್ರತಿಭೆ ಶಿವೂ ಸರ್ ಬಂದರು...ಸರಿ ಎಲ್ಲರೂ ಹಂಚಿಕೊಂಡು ಜ್ಯೂಸು ಕುಡಿದೆವು.

ಬದರಿನಾಥ್ ನಮ್ಮ ಜೊತೆ ಸೇರಲು ಅರ್ಧ ದಾರಿಗೆ ಬಂದಿದ್ದಾಗ ಕಚೇರಿಯಿಂದ ಮತ್ತೆ ಕರೆ ಬಂದು ಅವರು ವಾಪಸ್ ತಮ್ಮ ಕೆಲಸಕ್ಕೆ ಹೊರತು ಹೋದ ವಿಷಯ ಕೇಳಿ ಮನಸಿಗೆ ಬೇಜಾರಾಯಿತು..ಹಾಗೆಯೇ ಸಂಬಂಧಿಕರ ಅಕಾಲಿಕ ಮರಣ ಶಕುಂತಲ ಅಯ್ಯರ್ ಅವರನ್ನು ಗೈರು ಹಾಜರಿ ಹಾಕಿಸಿತು...ಶಮ್ಮಿ ಸಂಜೀವ್ ಕೆಲಸದ ಒತ್ತಡದ ಕಾರಣ ಬರಲಾಗಲಿಲ್ಲ ಎಂದು ತಿಳಿಸಿದರು.

ಅಜಾದ್ ಸರ್ ನಡೀರಿ ಮೇಲೆ ಹೋಗೋಣ ಅಂದರು...ಸುಲತ ಕಿಸಕ್ಕನೆ ನಕ್ಕು ಇಷ್ಟು ಬೇಗನಾ ..ಎಷ್ಟೋ ಕನಸುಗಳು ಬಾಕಿ ಇವೆ..ಎಂದರು...ಎಲ್ಲರು ಗೊಳ್ ಎಂದು ನಕ್ಕು..ಎರಡನೇ ಮಹಡಿಗೆ ಬಂದೆವು...

ಅಲ್ಲಿಗೆ "ಬಿಳಿಮುಗಿಲು" ಬ್ಲಾಗಿನ ರೂಪ ಸತೀಶ್, "ವಿಧ್ಯಾಇಲಾಖೆಯ" ಸುಮಾ ಮೇಡಂ, ಜ್ಯೋತಿ, "ಸ್ವಂತ ಪತ್ರಿಕೆ" ನಡೆಸುತ್ತಿರುವ ಗುರುನಾಥ್ ಬೋರಗಿ, "ಪೆನ್ನು ಪೇಪರ್" ಬ್ಲಾಗಿನ ನಾಗರಾಜ್ ಮತ್ತು ಅನಿಲ್ ಸೇರಿಕೊಂಡರು. ಒಂದು ಬಳಗವೇ ಆಯಿತು. ಎಲ್ಲರೂ ಸಂತಸ ಭರಿತರಾಗಿ ಒಂದು ಎರಡು ಬಾಳೆಲೆ ಹರಡು ಪದ್ಯವನ್ನು ನೆನೆಯುತ್ತ ಹಾಕಿದ್ದನ್ನು ಸರಿಯಾಗಿ ಬಾರಿಸಿದೆವು.  ಊಟದ ಮಧ್ಯೆ...ರಾಜಕೀಯ,  ಕಾವೇರಿ, ಬ್ಲಾಗ್ಗಳ ದುಸ್ಥಿತಿ, ನಗೆ ಚಟಾಕಿಗಳು, ಇದರ ಮಧ್ಯೆ ಛಾಯಾ ಚಿತ್ರಣ ಎಲ್ಲವು ನಡೆದಿತ್ತು...

ಇಡಿ ತಂಡದ ಒಂದು ಚಿತ್ರ ತೆಗೆದುಕೊಂಡು ಹೊರಡುವ ಅನ್ನುವಷ್ಟರಲ್ಲಿ ಮೈಸೂರಿನಿಂದ ಸತೀಶ್ ಕನ್ನಡಿಗ ಅವರು ಬಂದದ್ದು ಎಲ್ಲರಿಗೂ ಸಂತಸ ತಂದಿತು..ಅವರು ಊಟ ಮಾಡಿ ಎಲ್ಲರು ತಮ್ಮ ತಮ್ಮ ಮನೆ,  ಆಫೀಸ್ ಅಥವಾ ಬೇರೆ  ಕೆಲಸಗಳಿಗಾಗಿ ಹೊರಟರು...ಶಿವೂ ಸರ್ ತಮ್ಮ ಪ್ರಶಸ್ತಿ ವಿಜೇತ ಪುಸ್ತಕ "ವೆಂಡರ್ ಕಣ್ಣು" ಕೊಟ್ಟು ಈ ದಿನದ ಗೆಳೆಯರ ಭೇಟಿಯನ್ನು ಹಸಿರಾಗಿಸಿದರು..

ನಾನು ಸೀದಾ ಮನೆಗೆ ಬಂದು ಅಣ್ಣಾವ್ರು ಹೇಳಿದ ಹಾಡನ್ನೇ ಗುನುಗುನಿಸಿ ಕಡೆಗೆ ಏನು ಮಾಡುವುದು ಬೇಡ ಎಂದು...ಸುಮ್ಮನಾದೆ..

ಸಂಜೆ ಸುಮಾರು ಏಳುವರೆ ಘಂಟೆಗೆ ಪ್ರಕಾಶಣ್ಣ ಕರೆ ಮಾಡಿ ಬನ್ನಿ ಮನೆಗೆ ಅಂದರು. ಅವರ ಆಹ್ವಾನವನ್ನು ತಿರಸ್ಕರಿಸುವ ಮನಸಾಗಲಿಲ್ಲ...ಮಡದಿ, ಹಾಗು ನನ್ನ ಮುದ್ದಿನ ಸ್ನೇಹಿತೆ (ನನ್ನ ಮಗಳು) ತಮ್ಮ ದಂತ ಪಂಕ್ತಿಗಳನ್ನ ತೋರಿಸಿದರು. ಪರಿಣಾಮ ಸುಮಾರು ಒಂದು ತಾಸಿನ ನಂತರ ನಡೆದಾಡುವ ದೇವರು ಪ್ರಕಾಶ ಹೆಗಡೆಯವರ ತಾಯಿಯ ರೂಪದಲ್ಲಿ ಕಾಣಿಸಿದರು. ಆ ಮಾತೃ ಸ್ವರೂಪವನ್ನು ನೋಡಿ ಮನಸಿಗೆ ಆಹ್ಲಾದಕರ ಅನುಭವವಾಯಿತು. ಸುಮಾರು ಒಂದು ಘಂಟೆ ಅದು ಇದು ಅಂತ ಲೋಕಾಭಿರಾಮವಾಗಿ ಮಾತಾಡುತ್ತ ಆಶಾ ಅತ್ತಿಗೆ ಕೊಟ್ಟ ಉಪ್ಪಿಟ್ಟು, ಕಾಫಿ ಕುಡಿದು, ಪ್ರಕಾಶಣ್ಣ ಆಶೀರ್ವಾದ ಮಾಡಿ ಕೊಟ್ಟ ನನ್ನ ಮೆಚ್ಚಿನ ಲೇಖನ ಪೂರ್ಣ ಚಂದ್ರ ತೇಜಸ್ವಿ ಅವರ ಪುಸ್ತಕ, ಅಮ್ಮನ ಆಶೀರ್ವಾದ, ಹಾಗೂ ಅಮ್ಮ ಕಸೂತಿ ಮಾಡಿ ನಮಗಾಗಿ ಕೊಟ್ಟ ಸುಂದರ ಹಾಸು ತೆಗೆದುಕೊಂಡು ಮನೆಗೆ ತಲುಪಿದಾಗ  ಪ್ರಪಂಚವನ್ನೇ ಗೆದ್ದ ಸಂಭ್ರಮ..

ಮನೆ ಹತ್ತಿರ ಕಾರು ನಿಂತಾರ..ರೇಡಿಯೋದಲ್ಲಿ ಯಾವ ಜನ್ಮದ ಮೈತ್ರಿ ಈ ಜನ್ಮದಲ್ಲಿ ಬಂದು ನಮ್ಮೆಲರನ್ನು ಮತ್ತೆ ಬಂಧಿಸಿಹುದೋ ಕಾಣೆ......

ಇದಲ್ಲವೇ ಭಾಗ್ಯ...ಸುಂದರ ದಿನ ಕಳೆಯಲು ಅನುವು ಮಾಡಿಕೊಟ್ಟ ಎಲ್ಲ ಬ್ಲಾಗ್ ಪ್ರಪಂಚದ ಮಿತ್ರರಿಗೆ ಈ ಲೇಖನ ಅರ್ಪಿತ..!!!

ಸಿಸ್ಕೋದಲ್ಲಿ ಸಂಭ್ರಮದ ಉತ್ಸವ ರಾಜ್ಯೋತ್ಸವ..23.11.2012

ಕನ್ನಡ ಎನೆ ಕುಣಿದಾಡುವುದೆನ್ನೆದೆ 

ಕನ್ನಡ ಎನೆ ಕಿವಿ ನಿಮಿರುವುದು ||

ಕಾಮನ ಬಿಲ್ಲನು ಕಾಣುವ ಕವಿಯೊಳು

ತೆಕ್ಕನೆ ಮನ ಮೈ ಮರೆಯುವುದು 

ಕನ್ನಡ ಕನ್ನಡ ಹ! ಸವಿಗನ್ನಡ 

ಕನ್ನಡದಲಿ ಹರಿ ಬರೆಯುವನು 

ಕನ್ನಡದಲಿ ಹರ ತಿರಿಯುವನು

ಕನ್ನಡದಲ್ಲಿಯೇ ಬಿನ್ನಹ ಗೈದೊಡೆ 

ಹರಿ ವರಗಳ ಮಳೆ ಕರೆಯುವನು 

ಹರ ಮುರಿಯದೆ ತಾ ಪೊರೆಯುವನು

ಬಾಳುಹುದೇತಕೆ ? ನುಡಿ, ಎಲೆ ಜೀವ 

ಸಿರಿಗನ್ನದದಲಿ ಕವಿತೆಯ ಹಾಡೆ

ಸಿರಿಗನ್ನಡದೇಳಿಗೆಯನು ನೋಡೆ

ಕನ್ನಡ ತಾಯಿಯ ಸೇವೆಯ ಮಾಡೆ 

ಮಿತ್ರ ಸಂದೀಪ್ ಕೆ.ಬಿ ಕೈಚಳಕ!

ಸಿಸ್ಕೋ ಸಭಾಂಗಣಕ್ಕೆ ಕಾಲಿಟ್ಟ ಕೂಡಲೇ ನನ್ನ ಆತ್ಮೀಯ ಗೆಳೆಯ ಸಂದೀಪ್ ಕೆ.ಬಿ. ಸಿದ್ಧಪಡಿಸಿದ ವೇದಿಕೆಯ ಮೇಲಿದ್ದ ಚಿತ್ರದಲ್ಲಿ  ಕನ್ನಡದ ಆದಿಕವಿ ಪಂಪನ  ಅಮರವಾಣಿ “ ಆರಂಕುಶವಿಟ್ಟೊಡಂ ನೆನೆವುದೆನ್ನ ಮನಂ ಬನವಾಸಿ ದೇಶಮಂ ” ಕಿವಿಯಲ್ಲಿ ಹಾಗು ಕಣ್ಣಲ್ಲಿ ಮಾರ್ಧನಿಸಿತು..ಆ ಮತ್ತಿನಲ್ಲಿಯೇ ಒಳಗೆ ಬಂದಾಗ ರಾಷ್ಟ್ರ ಕವಿ ಕುವೆಂಪು ಬರೆದ ಮೇಲಿನ ಗೀತೆಯನ್ನು ಹೃದಯದಲ್ಲಿ ತಾನೇ ತಾನಾಗಿ ಹಾಡುತ್ತಿತ್ತು..

ಇದು ನಾ ಕಂಡ ಅತಿ ಉತ್ತಮ ಕರುನಾಡಿನ ಹುಟ್ಟು ಹಬ್ಬದ ಆಚರಣೆಗಳಲ್ಲಿ ಒಂದು.  ಗ್ರಾಮೀಣ ಕ್ರೀಡೆಯನ್ನು ಕೇಂದ್ರೀಕರಿಸಿ ಸಿದ್ಧ ಪಡಿಸಿದ  ಆ ಪಟ ನನ್ನ ಮನಸನ್ನು ಇನ್ನಷ್ಟು ಭಾವನಾತ್ಮಕವಾಗಿ ಮಾಡಿತು. ಕಂಬಳ, ಕಬಡ್ಡಿ, ಕುಂಟೆ ಬಿಲ್ಲೆ, ಜಟ್ಟಿಗಳ ಮಲ್ಲಯುದ್ಧ, ಗೋಲಿಯಾಟ, ಬುಗುರಿ, ಜೀಕಾಟ..ಆಹಾ ಗ್ರಾಮೀಣ ಬದುಕೇ ಚಂದ..

ನಾಡಗೀತೆಯೊಂದಿಗೆ ಕಾರ್ಯಕ್ರಮ ಶುರುವಾಗಿತ್ತು..ನಾ ಹೋದಾಗ ಚುಟುಕು ಕವಿ ಚಕ್ರವರ್ತಿ ಶ್ರೀ ಡುಂಡಿರಾಜರು ಮುಖ್ಯ ಅತಿಥಿಯ ಸಿಂಹಾಸನದಲ್ಲಿ ವಿರಾಜಮಾನರಾಗಿದ್ದರು. ಅವರ ಪಕ್ಕದಲ್ಲಿ ಸಿಸ್ಕೋ ಕಂಪನಿಯ ಹೃದಯ ಎನ್ನಬಹುದಾದ ಶ್ರೀ ಅರವಿಂದ ಸೀತಾರಾಮನ್ ಉಪಸ್ಥಿತರಿದ್ದರು.  

ಶ್ರೀ ಡುಂಡಿರಾಜರಿಗೆ ಇದು ಮಗಳ ಮನೆ ಅರ್ಥಾತ್ ಅವರ ಮಗಳು, ಮತ್ತು ಅಳಿಯ ಸಿಸ್ಕೋ ಸಂಸ್ಥೆಯಲ್ಲಿಯೇ ಕೆಲಸ ಮಾಡುವುದು ಎನ್ನುವ ವಿಚಾರ ಅವರಿಂದಲೇ ತಿಳಿಯಿತು. 

ಚುಟುಕುಗಳ ಧಣಿ ಶ್ರೀ ಡುಂಡಿರಾಜ್

ಹಾಗಾಗಿ ನಿರರ್ಗಳವಾಗಿ ಪುಂಕಾನುಪುಂಕವಾಗಿ ಚುಟುಕು ಕವಿತೆಗಳು ಹರಿದಾಡಿದವು, ಕೊಟ್ಟ ಸಮಯ ಬರಿ ಗಡಿಯಾರದಲ್ಲಿತ್ತು ಅಷ್ಟೇ..ಆದರೆ ಆ ಸಮಯದ ಪರಿಧಿಯನ್ನು ಧಾಟಿ ನಮ್ಮನ್ನೆಲ್ಲ ರಂಜಿಸಿದರು.  ನಗಲು ನಮಗೆ ಇನ್ನಷ್ಟು ಸಮಯ ಬೇಕಿತ್ತು ಅನ್ನಿಸಿದ್ದರೆ ಅದು ಯಾರ ತಪ್ಪು ಅಲ್ಲ...ಏಕೆಂದರೆ ಅವರ ಬಳಿ ಕಂ"ಬಳಿ"ಗಿಂತ ನವಿರಾದ, ಬೆಚ್ಚಗಿನ ಕವಿತೆಗಳ ಅಸ್ತ್ರಗಳೇ ಬೇಕಷ್ಟು ಇದ್ದವು. ಅವರು ನಮ್ಮನ್ನು ಕಂ "ಬಳಿ" ಎಂದು ಕರೆಯದಿದ್ದರೂ..ಅವರ ನವಿರಾದ   ಹಾಸ್ಯ, ಬಾರಿಸಿದ ಎಚ್ಚರಿಕೆಯ ಘಂಟೆ, ಎಲ್ಲವು ಅನಾಮತ್ತಾಗಿ ನಮ್ಮನ್ನು ಅವರ ಬಳಿಯೇ ಕರೆದೊಯ್ದಿತು...

ಅವರ ನಂತರ ಶ್ರೀ ಅರವಿಂದ ಸೀತಾರಾಮನ್ ಅವರು ಕನ್ನಡದಲ್ಲಿ ಮಾತಾನಾಡಿ ತಮ್ಮ ಅಭಿಮಾನದ ಮೆಚ್ಚುಗೆಯ  ನುಡಿಮುತ್ತುಗಳನ್ನು ಸುರಿಸಿದರು. 

ಶ್ರೀ ಅರವಿಂದ ಸೀತಾರಾಮನ್ 

ಈ  ವರ್ಷ ಅವರಿಗೆ ಸುಮಧುರ ರಾಜ್ಯೋತ್ಸವ ಕಾರಣ ಎಂದರೆ..ಅವರಿಗೆ ಸಮಾಜ ಸೇವೆಗಾಗಿ ಈ ವರುಷದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿಯನ್ನು ಕರ್ನಾಟಕ ಸರಕಾರ ಪ್ರಧಾನ ಮಾಡಿರುವುದು.  ಇದು ಸಿಸ್ಕೋ ಸಂಸ್ಥೆಯ ಹಾಗು ಕರುನಾಡಿನ ಎಲ್ಲರಿಗೂ ಸಂತಸದ ವಿಷಯ.

 ಪ್ರಶಸ್ತಿ ಪ್ರಧಾನ ಸಮಾರಂಭದ ದೃಶ್ಯಾವಳಿ 

ನಂತರ ಸಾಂಸ್ಕೃತಿಕ ನದಿಯ ಆಣೆಕಟ್ಟು ಒಡೆದು ಪ್ರವಾಹದಂತೆ ನೆರೆದಿದ್ದ ಅಭಿಮಾನಿಗಳ ಮೇಲೆ ಅಪ್ಪಳಿಸಿತು. ಒಂದಲ್ಲ ಎರಡಲ್ಲ ಸರಿ ಸುಮಾರು ಮೂರು ಘಂಟೆಗಳ ಕಾಲ ಒಂದಾದ ಮೇಲೆ ಒಂದರಂತೆ.ನೃತ್ಯ, ಚಿಕ್ಕ ಚಿಕ್ಕ ಪ್ರಹಸನಗಳು, ಗ್ರಾಮೀಣ ಬದುಕು ಏಕೆ ಚಂದ ಎನ್ನುವ ರೂಪಕ, ಬೇರೆ ಭಾಷೆ ಮಾತಾಡುವ ಪ್ರಾಂತ್ಯದಿಂದ ಬಂದರೂ..ನೆಲ ಜಲ ಕೊಟ್ಟ ಭೂಮಿಯನ್ನು ಅಪ್ಪಿ, ಅಲ್ಲಿನ ಭಾಷೆಯನ್ನ ಕಲಿಯುವ ಪ್ರಯತ್ನ ಮಾಡಿ ಯಶಸ್ವಿಯಾದ ಒಂದು ತಂಡದಿಂದ ಮೂಡಿಬಂದ ದೃಶ್ಯಗಳು ಎಲ್ಲವು ಮನರಂಜಿಸಿದವು ಹಾಗು ಸಂದೇಶವನ್ನು ರವಾನಿಸಿದವು.

ಸಿಸ್ಕೋ ಸಂಸ್ಥೆಯ ಕೆಲವು ಕಲಾವಿದರು ನಡೆಸಿಕೊಟ್ಟ ಸಂಗೀತ ರಸಸಂಜೆ,  ಕನ್ನಡ ಚಿತ್ರರಂಗದ ಕೆಲ ಧ್ರುವತಾರೆಗಳ ಮೆಲುಕು ಹಾಕುವ ಹಾಡುಗಳನ್ನು ಇಂಪಾಗಿ ಹಾಡಿ, ಅದಕ್ಕೆ ತಕ್ಕ ನೃತ್ಯಗಳನ್ನೂ ಮಾಡಿದರು..ಎಲ್ಲವು ಸೊಗಸಾಗಿ ಮೂಡಿಬಂದವು. ಬಾಳೆಹಣ್ಣನ್ನು ಜೀನು ತುಪ್ಪದಲ್ಲಿ ಅದ್ದಿ, ಅದಕ್ಕೆ ಸಕ್ಕರೆಯನ್ನು ಬೆರೆಸಿದಂತೆ ಎಲ್ಲ ಕಾರ್ಯಕ್ರಮಗಳು ಹುಣ್ಣಿಮೆ ಚಂದ್ರನಂತೆ ಮೂಡಿಬಂದವು.

ಅದಕ್ಕೆ ಕಳಶಪ್ರಾಯವಿಟ್ಟಂತೆ ಲಘು ಉಪಹಾರ ಹಸಿದ ದೇಹಕ್ಕೆ ಸವಿರುಚಿಯನ್ನು ತೋರಿಸಿತು.  

ಕೊರವರ ನೃತ್ಯ, ರಂಗೋಲಿ ಸ್ಪರ್ಧೆ,  ಲಗೋರಿ, ಚೌಕಭಾರಃ, ಕುಂಟೆ ಬಿಲ್ಲೆ ಮುಂತಾದ ಸುಂದರ ಕಾರ್ಯಕ್ರಮಗಳು ಬೆಳಿಗ್ಗೆ ಇಂದ ನಡೆದಿತ್ತು ಎಂದು ನಂತರ ತಿಳಿಯಿತು.

ಸಿಸ್ಕೋ ಸಂಸ್ಥೆಯನ್ನು ಬಿಟ್ಟು ಸರಿ ಸುಮಾರು ಒಂದುವರೆ ವರುಷವಾದರೂ ಅನೇಕ ಸ್ನೇಹಿತರ ಸ್ನೇಹದ ಗುಂಗಿನಿಂದ ಹೊರಗೆ ಬರಲಾಗಿರಲಿಲ್ಲ.ಅಂತಹ ಅನೇಕ ಸ್ನೇಹಿತರನ್ನು ನೋಡಿದ್ದು,  ಮಾತಾಡಿಸಿದ್ದು, ಹರಟಿದ್ದು ಎಲ್ಲವನ್ನು ಕಂಡ ನನ್ನ ಮನ ಭಲೇ ಕಾಂತಾ ಶ್ರೀಕಾಂತ ಭಲೇ..ನನ್ನ ಮನಸಿಗೆ ಇನ್ನಷ್ಟು ಹುರುಪನ್ನು ತಂದಿದ್ದೀಯ ಅಂತ ಹೇಳಿದಾಗ ನನಗೆ ನಾನೇ ಬೆನ್ನನ್ನು ತಟ್ಟಿ ಕೊಂಡೆ..ಹಹಹಹ..

ಸಂದೀಪ್ ಕೆ.ಬಿ, ರವಿ ಆರ್, ಛಾಯ, ವಿನೋದ್ ಕೃಷ್ಣ, ರಘುನಂದನ್, ಜೀವೆಂದರ್, ವಿನಯ್ ಕುಮಾರ್,  ವಸಂತ್ ಶೆಟ್ಟಿ, ಸಂತೋಷ್ ಕುಮಾರ್, ಶ್ರೀಶೈಲ, ಶ್ರೀದೇವಿ ಸುಬ್ರಮಣ್ಯಮ್,  ಜಗದೀಶ್ ಮಲ್ಪುರ , ಜಗದೀಶ್ ಪಂಚಣ್ಣ, ಮಂಜು ಶಂಕರ್, ಪೂರ್ಣಪ್ರಜ್ಞ , ಸತ್ಯನಾರಾಯಣ ಉಡುಪ, ಸುರೇಶ ಬಾಬು ಕೆ.ಪಿ, ಮಲ್ಲಿಕಾರ್ಜುನ, ಜಾರ್ಜ್, ಡಾರ್ವಿನ್, ದೂರವಾಣಿಯಲ್ಲೇ ಮಾತಾಡಿಸಲು ಸಾಧ್ಯವಾದ ಶರ್ಮಿಳ ದಾಮ್ಲೆ , ಮನೋಜ್ಞ (ಅಣ್ಣಾವ್ರು), ಒಂದೇ ಎರಡೇ ಎಲ್ಲ ಮೃದು ಸ್ನೇಹ ಜೀವಿಗಳಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು.


ಇಂತಹ ಒಂದು ಸುಂದರ ಸಂಜೆಯನ್ನು ಅಚ್ಚುಕಟ್ಟಾಗಿ ನೇಯ್ದು ಸುಂದರ ಪೋಷಾಕನ್ನು ಮಾಡಿ ತಾಯಿ ಭುವನೇಶ್ವರಿಗೆ ಮುಕುಟವನ್ನು ತೊಡಿಸಿದ "ಸಂಭ್ರಮ" ತಂಡಕ್ಕೆ ಅಭಿನಂದನೆಗಳು!!!  

ಅನುಗ್ರಹ ಸದನದಲ್ಲಿ ಸಂತಸದ ಕ್ಷಣಗಳು

ಛಲ ಎನ್ನುವುದು ಜೀವನದಲ್ಲಿ ಸುಂದರ ಬದಲಾವಣೆ ತರುತ್ತದೆ..ಅದಕ್ಕೆ ತಾಳ್ಮೆ ಇರಬೇಕು..ಧೃಡ ಮನಸ್ಸು ಇರಬೇಕು..ನಮ್ಮ ಅಪ್ಪ ಏನು ಹೇಳಲಿಲ್ಲ..ಆ ಹಾದಿಯಲ್ಲಿ ಪಯಣಿಸಿದರು..ಅಂತಹ ಹಾದಿಯಲ್ಲಿ ಪಯಣಿಸುತ್ತಿರುವ ನಮ್ಮ ಕುಟುಂಬಕ್ಕೆ ಆಲದ ಮರದ ಹಾಗೆ ನಿಂತಿರುವ ನಮ್ಮ ಅಕ್ಕನ ಬಾಳಿನಲ್ಲಿ ಇಂದು ಇನ್ನೊಂದು ಹೊಸ ಅಧ್ಯಾಯ..

ಇಸವಿ 2008ರಲ್ಲಿ ನನ್ನ ಅಕ್ಕ ಮೊದಲ ದ್ವಿಚಕ್ರ ವಾಹನ ಕೊಂಡುಕೊಂಡಾಗ, ನನಗೆ ಅಚ್ಚರಿಯಾಗಿತ್ತು ಹೇಗೆ ಓಡಿಸುತ್ತಾಳೆ, ತುಂಬಾ ಹೆದರಿಕೆ ಸ್ವಭಾವದವಳಾದ ಅಕ್ಕ  ಬೆಂಗಳೂರು ಮಹಾನಗರದ ಜಾತ್ರೆಯಲ್ಲಿ ಹೇಗೆ ಗಾಡಿ ಓಡಿಸುತ್ತಾಳೆ ಎನ್ನುವ ಆತಂಕವಿತ್ತು.  ಧೈರ್ಯ ಮಾಡಿ ಟಿ.ವಿ.ಎಸ್ ಸ್ಕೂಟಿ..ತೆಗೆದುಗೊಂಡಳು. ಮೊದಲನೇ ತಪಾಸಣೆಗೆ ಹೋದಾಗ ಗಾಡಿ ಓದಿದ್ದು ಕೇವಲ ನೂರು ಕಿಲೋಮೀಟರು ಗಳು ಮಾತ್ರ..

ಒಮ್ಮೆ ನಾನು ಬಲವಂತ ಮಾಡಿ, ನೀನು ಮುಂದೆ ಓಡಿಸಿಕೊಂಡು ಹೋಗು..ನಾನು ನಿನ್ನ ಹಿಂಬಾಲಿಸುತ್ತೇನೆ ಎಂದು ಧೈರ್ಯ ಹೇಳಿ ಮಲ್ಲೇಶ್ವರಂಗೆ ಸಂಜೆಯ ವಾಹನ ದಟ್ಟಣೆಯಲ್ಲಿ ಓಡಿಸಲು ಹುರಿದುಂಬಿಸಿದೆ.  ಹೇಗೋ ಕಷ್ಟ ಪಟ್ಟು, ನನ್ನ ಚೆನ್ನಾಗಿ ಬಯ್ದುಕೊಂಡು ಓಡಿಸಿಕೊಂಡು ಬಂದಳು. 

ಹೀಗೆ ಕಳೆಯಿತು ದಿನಗಳು, ವಾರಗಳು, ತಿಂಗಳುಗಳು.  ಕಳೆದದ್ದು ಸುಮಾರು ಐದು ವರ್ಷಗಳು, ಒಮ್ಮೆ ನಾನು ಅಕ್ಕನ ಗಾಡಿ ತೆಗೆದುಕೊಂಡು ಓಡಿಸುತ್ತಾ ಇರುವಾಗ ಯಾಕೋ ಮೀಟರ್ ಕಡೆ ಗಮನ ಹೋಯಿತು.  ಆಶ್ಚರ್ಯ ...ಹತ್ತಿರ ಹತ್ತಿರ ಐವತ್ತು ಸಾವಿರ ಕಿ.ಮಿ.ಗಳು ಐದು ವರ್ಷದಲ್ಲಿ....ತಲೆ ತಿರುಗತೊಡಗಿತು.

ಅಕ್ಕನ, ಧೈರ್ಯ, ಜೀವನದಲ್ಲಿ ಮುಂದೆ ಸಾಗಬೇಕೆನ್ನುವ ಛಲ, ಆತ್ಮ ವಿಶ್ವಾಸ, ಎಲ್ಲ ನೆನೆದು ಮೈ ಜುಮ್ ಎಂದಿತು. ಯಾವಾಗಲೂ ಅಕ್ಕ ಹೇಳುವುದು ನಾವೆಲ್ಲಾ ಜೊತೆಯಲ್ಲೇ ಹೋಗೋಣ..ಅವಳು ತಂದ ಗಾಡಿಯ ಹೆಸರು ನೋಡಿ...ಅದನ್ನೇ ಹೇಳುತ್ತೆ...ಈ ಭಾಂದವ್ಯವೇ ನಮ್ಮ ಅನುಗ್ರಹ ಸದನದ ಬುನಾದಿ!!!   

ನಾವು ಬಂದೆವಾ !!!!

ಇಂದಿನ ಬಲಿಪಾಡ್ಯಮಿ ದಿವಸ, ಮನೆಯಲ್ಲಿ ಹಬ್ಬದ ಸಡಗರವಿರಲಿಲ್ಲ (ಅಪ್ಪ ನಮ್ಮನ್ನು ದೈಹಿಕವಾಗಿ ಅಗಲಿ ಒಂದು ವರ್ಷ ಕಳೆದಿರದ ಕಾರಣ), ಆದರೆ ಒಂದು ಹೊಸ ವಾಹನ ಮನೆಗೆ ಬಂದದ್ದು ಹಬ್ಬದ ಕಲರವ ಮೂಡಿಸಲು ಸಹಾಯ ಮಾಡಿತ್ತು.  

ಅಕ್ಕನ ಹೊಸ ವಾಹನ....ಹೊಸ ಹುಮ್ಮಸ್ಸು!

ಪಿತೃ ಸಮಾನರಾದ ಕುಮಾರ ಚಿಕ್ಕಪ್ಪ ವಾಹನ ಪೂಜೆ ಮಾಡಲು ಬಂದದ್ದು ಎಲ್ಲರಿಗು ಸಂತಸ ತಂದಿತ್ತು.  

ಪಿತೃ ಸಮಾನರಾದ ಕುಮಾರ ಚಿಕ್ಕಪ್ಪ...

ಸರಳವಾಗಿ, ಅರ್ಥಗರ್ಭಿತ ಪೂಜೆ ಮಾಡಿ, ಅದರ ಅರ್ಥ, ವಿಸ್ತಾರ ತಿಳಿಸಿ, ನಮ್ಮನ್ನೆಲ್ಲ ಹರಸಿದ್ದು ನೋಡಿ ಅಮ್ಮನ ಕಣ್ಣಲ್ಲಿ ಹೊರಬರಲಾರದೆ ಕುಳಿತಿದ್ದ ಆನಂದಭಾಷ್ಪ ಭರಿತ ಕಣ್ಣೀರನ್ನು ನೋಡಿದೆ.  ಅಣ್ಣ ಇದ್ದಿದ್ದರೆ.....ಛೆ ಎಂತಹ ಮಾತು ಇಲ್ಲೇ ನಮ್ಮ ಜೊತೆಯಲ್ಲಿ ಇದ್ದಾರೆ. ನಮ್ಮನ್ನೆಲ್ಲ ಹರಸಿದ್ದಾರೆ.

ಕುಮಾರ ಚಿಕ್ಕಪ್ಪ...ಪೂಜಾ ಧಿರಸಿನಲ್ಲಿ 

ನಮ್ಮ ಮನೆಯ ಕಲಾವಿದ ವಿಷ್ಣು, ತನ್ನ ಇಷ್ಟ ದೈವ ಗಣಪನನ್ನು ಗಾಡಿಯ ಮೇಲೆ ಬಿಡಿಸಿದ ಕ್ಷಣಗಳು ಅಮೋಘ..ಅವನಿಗೆ ಒಂದು ಕಾನ್ವಾಸ ಬೇಕು ಅಷ್ಟೇ...ಇವತ್ತು ಗಾಡಿಯ ಸಂಖ್ಯಾ ಫಲಕದ ಮೇಲೆ ತನ್ನ ಕಲೆಯನ್ನು ಅರಳಿಸಿದ..

ವಿಷ್ಣು ಕಶ್ಯಪನ ಕಲೆ ಅರಳಿತು 

.ಮಗ ಬರೆದ ಚಿತ್ರಕ್ಕೆ  ಅಪ್ಪ..  ಅಂತಿಮ ಸ್ಪರ್ಶ ನೀಡಿದ್ದು 

ಹೊಸ ಗಾಡಿ ಹೊಸ ಚಿತ್ರ...

ಅಪ್ಪ ಅಕ್ಕನಿಗೆ ಕಿವಿ ಮಾತು ಹೇಳಿದ್ದು ಪಿಸುಮಾತಿನಲ್ಲಿ ಕೇಳಿದ ಅನುಭವ  ತಂದಿತ್ತು.

ತಂದೆಯ ಭಾವಚಿತ್ರದೊಂದಿಗೆ ಪರಿವಾರ...

.."ಮಗು ಜೀವನದಲ್ಲಿ ನೀನು ಕಷ್ಟ ಬಂದರು, ಅದನ್ನು ದೂರ ಸರಿಸುವ ಧೈರ್ಯ, ಸ್ಥೈರ್ಯ ನಿನ್ನಲ್ಲಿದೆ...ವಾಹನ ಬಂತು..ಮುಂದಿನ ಕೆಲವು ವರುಷಗಳಲ್ಲಿ   "ಅನುಗ್ರಹ ಸದನ" ನಮ್ಮದಾಗಲಿ...ನನ್ನ ಆಶೀರ್ವಾದ ನನ್ನ ಕುಟುಂಬದ ಮೇಲೆ ಇದೆ.ಮುನ್ನುಗ್ಗು ಮಗು..ಮುನ್ನಡೆಸಲು ನನ್ನ ವಿಶಾಲು ಇದ್ದಾಳೆ" 

ಬ್ಲಾಗಿಗರ ಜೊತೆ ವಿಶಿಷ್ಟ ರೀತಿಯ ಕನ್ನಡ ರಾಜ್ಯೋತ್ಸವ!

ಭಗವಂತ ಏನೇ ಕೊಟ್ಟರು ಸರಿಯಾದ ಸಮಯದಲ್ಲಿ ಕೊಡುತ್ತಾನೆ.  ಇದು ಅನೇಕರ ಜೀವನದಲ್ಲಿ ಅನೇಕ ಘಟನೆಗಳ ಮೂಲಕ ನಿರೂಪಣೆಯಾಗಿದೆ....ಹಾಗೂ  ಸಾಕ್ಷಾತ್ಕಾರವಾಗಿದೆ.   

ಸರಿಯಾದ ಸಮಯದಲ್ಲಿ...ಸರಿಯಾದ ರೀತಿಯಲ್ಲಿ ನಿಲ್ಲುವರು ಸ್ನೇಹಿತರು ಎನ್ನುತ್ತಾರೆ. ಇಂದು ಕನ್ನಡಾಂಬೆಯ ಹಬ್ಬದ  ಹರುಷ ನೂರು ಪಟ್ಟು ಹೆಚ್ಚಿಸಿತು. ಇದಕ್ಕೆ ಕಾರಣ ಒಂದೇ ಎರಡೇ... ಸಂತಸ ತುಂಬಿ ಹರಿಯುತಿತ್ತು.  

ಅಮೆರಿಕಾದಲ್ಲಿ "ಸ್ಯಾಂಡಿ" ಚಂಡಿಯ ಅವತಾರ ತಾಳಿದ್ದರೆ, "ಚಂಡಿ"ಯ ಜನುಮ ಭೂಮಿ ನಮ್ಮ ಭಾರತ ಜನನಿಯ ತನುಜಾತೆಯಾದ ಕರುನಾಡಿನಲ್ಲಿ  ನೀಲಂ (ಸೌಮ್ಯ ರೂಪದ) ಪರಿಣಾಮ, ತಾಯಿಯ ಮಮತೆ ಸದಾ ಸುರಿಯುವಂತೆ ತುಂತುರು  ಮಳೆಯ ಧಾರೆ ದೇಹಕ್ಕೆ ಚಳಿ ತಂದರೂ, ಇಂದಿನ ದಿನಚರಿ ಸಂತಸ ತಂದಿತ್ತು 

"ನಿಮ್ಮೊಳಗೊಬ್ಬ ಬಾಲು" ಬ್ಲಾಗಿನ ಬಾಲೂ ಸರ್ ಕೆಂಗೇರಿಯ ಬಳಿ ಕಾರನ್ನು ನಿಲ್ಲಿಸಿ "ಬನ್ನಿ ಗುರು"  ಅಂದರು. ಹಸ್ತ ಲಾಘವವಾಯಿತು ಹಾಗೂ  ಅವರ ಶಿಷ್ಯ "ನವೀನ" ಅವರ ಪರಿಚಯ ಆಯಿತು.  ಶರವೇಗದಲ್ಲಿ ವಾಹನ ಕನ್ನಡಾಂಬೆಯ ಹೆಮ್ಮೆಯ ಕಲಾರತ್ನ "ಬಾಲಣ್ಣ" ಅವರ ಅಭಿಮಾನ ಸ್ಟುಡಿಯೋ ಬಳಿ ಬಂತು.  ನನ್ನ                 ಕ್ರಿಯಾಶೀಲತೆಗೆ ಸ್ಫೂರ್ತಿ ನೀಡುವ ಬಾಲಣ್ಣನ ಚಿರನಿದ್ರಾ ಸ್ಥಳದ ದರ್ಶನ ಮನಸಿಗೆ ಆಹ್ಲಾದಕರ ಕಂಪನ್ನು ಕೊಟ್ಟಿತು. 

ಕರುನಾಡಿನ ಹೆಮ್ಮೆಯ ಬಾಲಣ್ಣ 

ಬಾಲಣ್ಣನಿಗೆ ಮನದಲ್ಲೇ ವಂದಿಸಿ, ಇನ್ನೊಂದು ಸ್ಪೂರ್ತಿಯ ವ್ಯಕ್ತಿತ್ವ ಮೈಸೂರಿನ ಬಾಲೂ ಸರ್ ಜೊತೆಗೆ ವಾಹನ ಓಡಿತು ಯಲಹಂಕದ ಕಡೆಗೆ.

ಬಾಗಿಲಲ್ಲೇ ನಿಂತಿದ್ದ "ಗಿರಿ ಶಿಖರ"ದ ಮಾಲೀಕ ಗಿರೀಶ್ ಸೋಮಶೇಖರ್ ನಮ್ಮನ್ನು ಬರ ಮಾಡಿಕೊಂಡರು.  "ಪದ್ಯ, ಗಧ್ಯಗಳ ಬ್ಲಾಗಿನ ಕವಿ ಬದರಿನಾಥ್ ಪಲವಲ್ಲಿ,   ಕುವೈತ್ನಲ್ಲಿ ಕನ್ನಡ ಪತಾಕೆ ಹಾರಿಸುತ್ತಿರುವ ", "ಮೃದು ಮನಸು"  ಮಹೇಶ್ ಸರ್,  "ಮನಸು" ಸುಗುಣ ಮೇಡಂ ಅವರ ಪರಿವಾರ, "ಜಲನಯನ" ಆಜಾದ್ ಸರ್ ಮತ್ತು ಅವರ ಪರಿವಾರ,  ಚಟ-ಪಟಾಕಿ ಜ್ಯೋತಿ ಅಕ್ಕಯ್ಯ ಮತ್ತು ಮಕ್ಕಳು (ಅವರು ಸಂಚರಿಸುತಿದ್ದ ಬಿ.ಎಂ,ಟಿ ಸಿ. ಬಸ್ಸಿಗೆ ಪೂಜೆ ಸಲ್ಲಿಸಿ ಬಂದಿದ್ದರು),   ಸುಂದರ ನಗುವಿನ ಚೆಲುವ ಶಿವಪ್ರಕಾಶ್ ಇವರನೆಲ್ಲ ಭೇಟಿ ಮಾಡುವ ಅವಕಾಶ ಸುಗುಣ ಮೇಡಂ ಅವರ ಕುಟುಂಬದ ಮದುವೆ ಮನೆಯಲ್ಲಿ ಸಿಕ್ಕಿತು. 

ಸುಂದರ ಅನುಭವಗಳನ್ನೂ ಮೆಲುಕು ಹಾಕುತ್ತ, ಗಿರೀಶ್  ಕೃಪಾಪೋಷಿತ ಮಸಾಲೆ ಭರಿತ "ಚಟ್ನಿ" ಮತ್ತು  ದೋಸೆಯನ್ನು ಮೆಲ್ಲುತ್ತ ಹರಟಿದೆವು.  ಅಜಾದ್ ಸರ್ ಅವರ ಹಾಸ್ಯ, ಬಾಲೂ ಸರ್ ಅವರ ಮೃದು ಮಾತುಗಳು, ಬದರಿಯವರ ಕೀಟಲೆ, ಗಿರೀಶ್  ನಗೆ ಚಟಾಕಿಗಳು, ಜ್ಯೋತಿಯ ಅಕ್ಕರೆ ಭರಿತ ಮಾತುಗಳು, ಸುಂದರ ನಗುವಿನ ಸರದಾರ ಶಿವಪ್ರಕಾಶ್ ...ಆಹಾ ಸುಮಧುರ ಘಳಿಗೆಗಳು.  ನವ ದಂಪತಿಗಳಿಗೆ  ಶುಭಾಶಯಗಳನ್ನು ಕೋರಿ ಅಲ್ಲಿಂದ ಹೊರಟೆವು.

ನವೀನ ಅವರ ರಥಕ್ಕೆ ಅಡ್ಡಿಯಾಗಿ ಇನ್ನೊಂದು ವಾಹನ ನಿಂತಿತ್ತು, ಬಾಲೂ ಸರ್ ಅವರ ಸಮಯಪ್ರಜ್ಞೆಯಿಂದ ಆ ಅಡ್ಡಿಯನ್ನು ನಿವಾರಿಸಿಕೊಂಡು,  ಜಯನಗರದ ಕಡೆಗೆ ವಾಯುವೇಗದಲ್ಲಿ ಸಾಗಿತು. ಮಾರ್ಗದಲ್ಲಿ ನವೀನ ಅವರ ವಾಹನ ಚಲಿಸುವ ಪ್ರತಿಭೆಕಂಡು ಮೂಕ ವಿಸ್ಮಿತನಾದೆ. ಬದರಿ, ಮತ್ತು ಬಾಲೂ ಸರ್ ತಮ್ಮ ಜೀವನದ ಯಶೋಗಾಥೆಗಳನ್ನು  ಹಂಚಿಕೊಂಡರು. ಬಾಲೂ ಸರ್ ಅನ್ವೇಷಣೆಯ ಗಮ್ಮತ್ತಿನ ಹಿಂದಿನ ಕಥಾನಕವನ್ನು ಅವರಿಂದ ಕೇಳಿದಾಗ ರೋಮಾಂಚನವಾಯಿತು.  ಈ ಕಡೆ ನಗೆ ಬುಗ್ಗೆ ಬದರಿ, ಆ ಕಡೆ ವಿಷಯಗಳ ಕಣಜ ಬಾಲೂ ಸರ್..ಇದಕ್ಕಿಂತ ಸಂಗಾತಿಗಳು ಬೇಕೇ ಒಂದು ಸುಂದರ ಸಮಯವನ್ನು ಕಳೆಯಲು. 

ಮದುವೆ ಮಂಟಪದ ಮುಂದೆ ಕಾರನ್ನು ನಿಲ್ಲಿಸಲು ಪ್ರಯತ್ನ ಪಡುತಿದ್ದಾಗ ದೂರದಲ್ಲಿ ಪೋಲಿಸ್ ಪೇದೆ ನೋಡ್ತಾ ಇದ್ದರು, ನವೀನ ಸರಿಯಾ ಸ್ಥಳದಲ್ಲಿ  ಕಾರನ್ನು ನಿಲ್ಲಿಸಿ ಇಳಿದಾಗ, ನಿಧಾನವಾಗಿ ಹತ್ತಿರ ಬಂದ ಪೇದೆ, ಇಲ್ಲಿ ಅಲ್ಲ, ಆ ಕಡೆ ನಿಲ್ಲಿಸಿ  ಎಂದರು. ನಾನೂ ಬಾಲೂ ಸರ್, ಇಬ್ಬರು ಮನಸಾರೆ ನಕ್ಕೆವು.  

ಮದುವೆ ಮಂಟಪದ ಒಳಗೆ ಹೊಕ್ಕಾಗ, "ಕೊಳಲು" ಬ್ಲಾಗಿನ ಡಾಕ್ಟರ್ ಕೃಷ್ಣಮೂರ್ತಿ (ಡಿ.ಟಿ.ಕೆ) ನಿಂತಿದ್ದನ್ನು ನೋಡಿ ನಮ್ಮ ಕೀಟಲೆಕುಮಾರ ಬದರಿ..ಮೆಲ್ಲಗೆ ಅವರ ಕೈಯನ್ನು ಹಿಡಿದು ಎಳೆದರು. ಸಂತಸಭರಿತ ಡಾಕ್ಟರ್ ನಮ್ಮನ್ನು ನೋಡಿ ಖುಷಿಯಿಂದ ಮಾತಾಡಿಸಿದರು. ಬಾಲೂ ಸರ್ ಮತ್ತು ಬದರಿಯವರನ್ನು ಮಾತಾಡಿಸಿದ ಅವರು, ನನ್ನ ನೋಡಿ, ತಾಯಿ ಮಗುವನ್ನು ಕರೆದು ಮಾತಾಡಿಸುವಂತೆ, ಎರಡು ಕೈಗಳಿಂದ ನನ್ನ ಕೆನ್ನೆಯನ್ನು ಸವರಿ ನೀವು ಬಂದದ್ದು ತುಂಬಾ ಸಂತೋಷವಾಯಿತು ಎಂದರು.  ನನಗೆ ಪರಮಾಶ್ಚರ್ಯ ಇದೆ ಮೊದಲ ಭೇಟಿ..ಬರಿ ಬ್ಲಾಗ್ ಲೋಕದ ಸಂಬಂಧ..ಬಲು ಸಂತಸತಂದಿತು.  ನವ ದಂಪತಿಗಳಿಗೆ ಶುಭಾಶಯಗಳನ್ನು ಸಲ್ಲಿಸಿ ಅಲ್ಲಿಂದ ಊಟದ ಮನೆಗೆ ಬಂದೆವು. ಆಹಾ ಎಂತಹ ಭೋಜನ, ಒಂದಾದಮೇಲೆ ಒಂದು ಹೊಟ್ಟೆಯೊಳಗೆ ಹೋಗಿ ಶರಣಾದವು .  ಡಾಕ್ಟರಿಂದ ಬೀಳ್ಕೊಡುಗೆ ತೆಗೆದುಕೊಂಡು ಹೊರಟೆವು.

ಮದುವೆ ಮಂಟಪದಿಂದ ಹೊರಗೆ ಬಂದಾಗ ಇನ್ನೊಂದು ಅಚ್ಚರಿ ಕಾಡಿತ್ತು.          ಶ್ರೀ ಡಿ ವಿ,ಜಿ.ಅವರ  ಕಗ್ಗದ ಸಿರಿಯನ್ನು ಫೇಸ್-ಬುಕ್ಕಿನಲ್ಲಿ ಪಸರಿಸುತ್ತಿರುವ ತಿರುಮಲೈ ರವಿ ಸರ್, ಮತ್ತು ಎಂ.ಎಸ್.ಪಿ ಪ್ರಸಾದ್ ಬದರಿಯವರಿಗೆ ಕಾಯುತ್ತ  ನಿಂತಿದ್ದರು. ಅವರೊಡನೆ ಸ್ವಲ್ಪ ಹೊತ್ತು ಮಾತುಕತೆ, ಸ್ವಲ್ಪ ಕೀಟಲೆ, ನಗು, ಎಲ್ಲವು ಸೊಗಸಾಗಿ ಕಳೆಯಿತು.  

ನಂತರ ಬಾಲೂ ಸರ್ ಅವರ ನಾದಿನಿಯ ಮನೆಗೆ ಹೋಗಿ ಅಲ್ಲಿ ಶ್ರೀ ಶ್ರೀಧರ್ ಮತ್ತು ಶ್ರೀಮತಿ ಬೃಂದಾ ಮತ್ತು ಅವರ ಪರಿವಾರದ ಪರಿಚಯವಾಯಿತು.  ಬಿಸಿ ಬಿಸಿ ಚಹಾ ಚಳಿಗೆ ರಕ್ಷಣೆ ಒದಗಿಸಿತು. ಹಿಂದಿನ ವಾರವಷ್ಟೇ  ಮುಗಿಸಿ ಬಂದಿದ್ದ ಪ್ರವಾಸದ ಚಿತ್ರಗಳನ್ನು ನೋಡಿ ಅವರ ಮನೆಯಿಂದ ಹೊರಟು ಸೀದಾ ನಮ್ಮ ಮನೆಗೆ ಬಂದೆವು.  ನನ್ನ ಪರಿವಾರದ ಕಿರು ಪರಿಚಯದ ನಂತರ ಬಾಲೂ ಸರ್ ಅವರ ಪಯಣ ಮೈಸೂರಿನ ಕಡೆಗೆ ಸಾಗಿತು. ನನ್ನ ಪಯಣ ಕಂಪ್ಯೂಟರ್ ಮುಂದೆ ಈ ಲೇಖನವನ್ನು ಬರೆಸಿತು. 
 

ಕೆಲವು ಬ್ಲಾಗಿಗರ ಭೇಟಿ ಮಾಡಿದ ಸುವರ್ಣ ಸಂದರ್ಭ-ಕನ್ನಡ ರಾಜ್ಯೋತ್ಸವ 

ಈ ಲೇಖನವನ್ನು ಬ್ಲಾಗಿಗರೊಂದಿಗೆ ಹಂಚಿಕೊಂಡು ದೂರದರ್ಶನ ಚಾಲೂ ಮಾಡಿದೆ ಅರೆ, ಜಿ ಕನ್ನಡದಲ್ಲಿ ಅಣ್ಣಾವ್ರ ಮಯೂರದ ವೀರ ಪ್ರತಿಜ್ಞೆಯ ದೃಶ್ಯ ಬರುತಿತ್ತು...ತಲೆ ಎತ್ತಿ ನೋಡಿದೆ ಮನೆಯಲ್ಲಿ ತೂಗು ಹಾಕಿದ ಅಣ್ಣಾವ್ರ ಚಿತ್ರ ನನ್ನ ನೋಡಿ ಒಂದು ಕಿರುನಗೆ ಕೊಟ್ಟಹಾಗೆ ಅನ್ನಿಸಿತು. 

ಅಣ್ಣಾವ್ರು ಮಯೂರನ ವೇಷದಲ್ಲಿ!!!

ಇದಲ್ಲವೇ ಸುಂದರ ಕರುನಾಡ ರಾಜ್ಯೋತ್ಸವದ ದಿನ ಕಳೆಯುವ ರೀತಿ ಎಂದು ನನ್ನ ಮನಸು ನನ್ನ ಬೆನ್ನನ್ನು ತಟ್ಟಿತು. 

ಕನ್ನಡಾಂಬೆಯ ಹಬ್ಬದ ದಿನವನ್ನು  ಕನ್ನಡ ಕಂಪನ್ನು ವಿಶ್ವಕ್ಕೆ ಪಸರಿಸುತ್ತಿರುವ ಹಲವು ಸುಂದರ ಪ್ರತಿಭೆಗಳ ಜೊತೆ ಕಳೆದದ್ದು ಸಾರ್ಥಕ ಎನಿಸಿತು.  ಈ ಸಂತಸದ ಘಳಿಗೆಗಳನ್ನು ಸವಿಯಲು ನನ್ನನು ಆಹ್ವಾನಿಸಿದ ಬಾಲೂ ಸರ್ ಅವರಿಗೆ ಈ ಲೇಖನದ ಮೂಲಕ ಧನ್ಯವಾದಗಳನ್ನು ಹೇಳುತ್ತಿದ್ದೇನೆ. ಧನ್ಯವಾದಗಳು ಬಾಲೂ ಸರ್.

ಅಣ್ಣ ಜನುಮದಿನದ ಶುಭಾಶಯಗಳು!!!

ಈ ಹಾಡು ನಮ್ಮ ಬಾಲ್ಯವನ್ನು ನೆನಪಿಸುತ್ತದೆ..ಶ್ರೀ ಅಶ್ವತ್ ಅವರಲ್ಲಿ ಹಾಗೂ  ಅವರ ಅಭಿನಯದಲ್ಲಿ ಅನೇಕ ಬಾರಿ ನನ್ನ ಅಪ್ಪನನ್ನು ಕಂಡಿದ್ದೇನೆ..ಅದರಲ್ಲೂ ಈ ಸಿನಿಮಾ ಮಕ್ಕಳಿಗೆ ಜವಾಭ್ಧಾರಿ ಹೇಗೆ ಕಲಿಸುವುದು, ಮಕ್ಕಳಿಗೆ ಸರಿಯಾದ ಮಾರ್ಗ ತೋರಿಸಿ ಪ್ರತಿಫಲದ ನಿರೀಕ್ಷೆಯಿಲ್ಲದೆ ಬೆಳೆಸಿದರೆ ಹೇಗೆ ಜೀವನ ಸಾರ್ಥಕ ಅನ್ನುವುದನ್ನು ಚೆನ್ನಾಗಿ ತೋರಿಸಿದ್ದಾರೆ ಈ ಚಿತ್ರದಲ್ಲಿ .


ಇಂತಹ ಗುಣಗಳ ನಮ್ಮ ಅಪ್ಪ ನವರಾತ್ರಿ ಪಾಡ್ಯದ ದಿನ ಸುಮಾರು ಎಂಭತ್ತು ವಸಂತಗಳ ಹಿಂದೆ ಜನಿಸಿದರು..

ಅಣ್ಣ ನಿಮಗೆ ಜನುಮದಿನದ ಶುಭಾಶಯಗಳು...ನಿಮಗಾಗಿ....ನಿಮ್ಮೊಲುಮೆ ಸದಾ ನಮ್ಮ ಮೇಲೆ ಇದ್ದೆ ಇರುತ್ತದೆ.
ನಿಮ್ಮ ಹಾರೈಕೆ ಹಾಗು ಆರೈಕೆಯಿಂದ ನಮ್ಮ ಬಾಳು ಬೆಳಕಾಗಿರಲಿ ಎಂದು ಪ್ರಾರ್ಥಿಸುತ್ತೇವೆ.

ನಿಮ್ಮೊಲುಮೆಗಾಗಿ  ಈ ಹಾಡು ನಿಮಗೆ ಸಮರ್ಪಿತ...!!!

ಅಣ್ಣ ಜನುಮದಿನದ ಶುಭಾಶಯಗಳು!!!

ಅಣ್ಣ ಕಳಿಸಿದ ಗಣಪನ ಜೊತೆ ಅಮ್ಮ ಮತ್ತು ನಾನು...

ಕಣ್ಣು ಬಿಟ್ಟು ನೋಡಿದೆ..ಸಂಜೆ ಸುಮಾರು ಏಳು ಘಂಟೆಯಾಗಿತ್ತು..

ಸ್ವಲ್ಪ ಘಂಟೆಗಳ ಹಿಂದೆ ಬಾಲು ಸರ್ ಕರೆ ಮಾಡಿದ್ದರು ಅವರ ಹತ್ತಿರ 
ಮಾತಾಡಿದ್ದೆ... 

ನಿದ್ದೆ ಮಾಡಲು ಮನಸಿಲ್ಲದೇ ಅಣ್ಣಾವ್ರ ಮೊದಲ ಖಳ ಪಾತ್ರದ ಹಾಗು ಮೊಟ್ಟ ಮೊದಲ ಬಾರಿಗೆ ದ್ವಿಪಾತ್ರದಲ್ಲಿ ಅಭಿನಯಿಸಿದ  "ಸತಿ ಶಕ್ತಿ" ಚಿತ್ರವನ್ನು ಮೊದಲ ಬಾರಿಗೆ ಚಿತ್ರ ನೋಡ್ತಾ ಇದ್ದೆ..

"ಶ್ರೀಕಾಂತ...ಶ್ರೀಕಾಂತ.."  ಯಾರೋ ಕೂಗಿದಂತಾಯಿತು.. 
ಆಚೆ ಈಚೆ ನೋಡಿದೆ...ಕಾಣಲಿಲ್ಲ..ಅಣ್ಣನ ಫೋಟೋ ನಗುತಿರುವಂತೆ ಭಾಸವಾಯಿತು..ಮತ್ತೊಮ್ಮೆ ನೋಡಿದೆ..

"ಶ್ರೀಕಾಂತ...ಕಿಂಕರರ ಜೊತೆ ಪಯಣಿಸುತ್ತಿದ್ದಾಗ ಮಾರ್ಗ ಮಧ್ಯದಲ್ಲಿ ಅವರ ಲ್ಯಾಪ್ ಟಾಪ್ ನಲ್ಲಿ ನಿನ್ನ ಬ್ಲಾಗ್ ಅಪ್ಪನಿಲ್ಲದ ಗಣಪನ ಹಬ್ಬ! ತೋರಿಸಿದರು....ಯಾಕೋ ಮನಸು ಭಾರವಾದಂತೆನಿಸಿತು...ಮನೆಗೆ ಹೋಗು..ಗಣಪನನ್ನು ಮನೆಗೆ ಕಳಿಸಿದ್ದೇನೆ" ಎಂದ ಹಾಗೆ ಅನಿಸಿತು..
ತಡ ಮಾಡದೆ ಕ್ಯಾಮೆರ ತೆಗೆದುಕೊಂಡು ಓಡಿದೆ..ಆಶ್ಚರ್ಯ ಕಾದಿತ್ತು..ಅಮ್ಮನ ಮನೆಯ ಬಾಗಿಲಿನಲ್ಲಿ ಆಳೆತ್ತರದ ಗಣಪ ತಣ್ಣಗೆ ಚಳಿಯಲ್ಲಿ ಚಾದರ ಹೊದ್ದುಕೊಂಡು ಕುಳಿತಿದ್ದದು ಕಣ್ಣಿಗೆ ಬಿತ್ತು.." ಕಣ್ಣು ಉಜ್ಜಿಕೊಂಡೆ..ಉಹುಂ...ಉಹುಂ..
"ಕನಸೋ ಇದು ನನಸೋ ಇದು.." ಎದುರು ಅಂಗಡಿಯಲ್ಲಿ ಹಾಡು ತೇಲಿ ಬರುತಿತ್ತು...

ಗಣಪ ಅಚ್ಚುಕಟ್ಟಾಗಿ ಮನೆಯ ಕಾಂಪೌಂಡ್ನಲ್ಲಿ ಕುಳಿತಿದ್ದಾ..ಮನಸಿಗೆ ಬಹಳ ಸಂತಸವಾಯಿತು..

ಅಮ್ಮ "ಬಾ..ಬಾ..ನೋಡು ಗಣೇಶ ಎಷ್ಟು ಚೆನ್ನಾಗಿದೆ ಗೊತ್ತ..?" ಅಂದ್ರು..ಸರಿ ಗಣಪನ ಅನಾವರಣಕ್ಕೆ ಕಾಯುತ್ತ ಕುಳಿತೆ..
ಬೀದಿಯ ಹುಡುಗರೆಲ್ಲ ಬಂದರು..."ಗಣಪತಿ ಬಪ್ಪ ಮೌರ್ಯ...ಮಂಗಳ ಮೂರ್ತಿ ಮೌರ್ಯ.."ಧ್ವನಿ ತಾರಕದಲ್ಲಿತ್ತು..ನಿಧಾನಕ್ಕೆ ಎಲ್ಲ ಹುಡುಗರು ಕೈ ಹಾಕಿ ಗಣಪನನ್ನು ಮೇಲಕ್ಕೆ ಎತ್ತಿ ನಿಧಾನಕ್ಕೆ ಅದರ ಪೀಠಕ್ಕೆ ವರ್ಗಾಯಿಸಿದರು..

ಅಮ್ಮ..ಗಣಪನ್ನು ನೋಡುತ್ತಾ ಸುಮ್ಮನೆ ನಿಂತು ಬಿಟ್ಟಿದ್ದರು..ಅವರ ತಲೆಯೊಳಗೆ ಗತ ಕಾಲದ ಚಕ್ರ ಓಡುತ್ತಿತ್ತು..ಮುಖ ಭಾವ ಹೇಳುತಿತ್ತು......ಅವರು ಇದ್ದಾಗ ಹೆಂಗೆ ಇತ್ತು..ಹೀಗೆ ಯೋಚನಾ ಲಹರಿ ಸಾಗಿತ್ತು..

ಅಲ್ಲಿದ್ದ ಒಬ್ಬ ಹುಡುಗನನ್ನ ಕರೆದು "ನವೀನ..ಗಣಪನ್ನು ಒಮ್ಮೆ ತೋರಿಸಿ ಫೋಟೋ ತಗೊಳ್ತಾನೆ" ಅಂದ್ರು 

 ನನ್ನ ಕಡೆ ನೋಡಿ.."ಹೋಗು ಫೋಟೋ ತಗೋ" ಅಂದ್ರು

ಹುಡುಗರೆಲ್ಲ.."ಬನ್ನಿ ಆಂಟಿ...ಒಳಗೆ ಬನ್ನಿ ಗಣಪನ್ನು ತೋರಿಸುತ್ತೇವೆ.." ಅಂದವು

ಗಣಪನ ಚಿತ್ರ ತೆಗೆದ ಮೇಲೆ..ಆ ಹುಡುಗರನೆಲ್ಲ..ನಿಲ್ಲಿಸಿ ಒಂದು ಫೋಟೋ ತೆಗೆದೇ..

ನಂತರ ಹುಡುಗರೆಲ್ಲ.."ಸಾರ್..ನೀವು ಅಮ್ಮನ ಜೊತೆ ನಿಲ್ಲಿ..  ನಿಮ್ಮ ಕ್ಯಾಮೆರಾದಲ್ಲಿ ಒಂದು ಫೋಟೋ ತೆಗೆಯುತ್ತೇನೆ  ಅಂದ್ರು.." 

ಒಂದು ಕ್ಷಣ..ಭಾವುಕನಾದೆ..ಅಮ್ಮ ಬರೋಲ್ಲ ಅಂದ್ರು..ನಾನು ಬಿಡಲಿಲ್ಲ...ಅದರ ಪ್ರಯತ್ನ..ಅಣ್ಣ ಕಳಿಸಿದ ಗಣಪನ ಜೊತೆ ಅಮ್ಮ ಮತ್ತು ನಾನು...

ಖುಷಿ ಪಟ್ಟು..ಕಣ್ಣೀರನ್ನು ಹಾಗೆಯೇ ಇಂಗಿಸಿಕೊಂಡು..ಮನೆಗೆ ಬಂದೆ...
ಅಣ್ಣ ಗೋಡೆಯಲ್ಲಿ ನಗುತ್ತ ನಿಂತಿದ್ದರು..

"ನೋಡಿದೆಯ..ನೀನು ಅಪ್ಪನಿಲ್ಲದ ಗಣಪ ಎಂದೇ..ನಾನು ಗಣಪನನ್ನೆ ನನ್ನ ಮನೆಗೆ ಕಳಿಸಿದೆ" ಆನಂದ ಭಾಷ್ಪ ಜಿನುಗುತ್ತಿರುವಂತೆ  ಭಾಸವಾಯಿತು...!!!

100 Steps away from the penalty kick :-)

On a warm Sep 17th 2012 at around noon..a ping on my gtalk popped up a message

Prashanth Kishan : Coming soon... my bucket list of101 things to do before I die :) in a blog near you :-)

I read the list, and complimented him, in turn he encouraged me saying "Thanks Sri. I seriously plan to complete everything on the list :) and Cant wait to see yours!

Life is like a computer..always there is a login and log off session.  login happens when our parents are typing the password for our life, and when we forget our password...shutdown session begins. Between this brief session there are innumerable files, applications and so on which needs to be listed, attended, saved, and also some of them to be deleted from the system to have a meaningful programmed software in our hardware.

Image courtesy - Google

When this knot struck my mind, and encouraged by Prashanth, I didn't had too many choices than listing out my steps to be climbed before nose diving in to the eternal world. 

Many thanks to Prashanth, who triggered my habit of listing out the things for my life!!! 

The 100 steps to be carved from my stoney life!!!

Image courtesy - Google

8 Steps with the Family 
01 Help my best friend (my daughter) to realise all her ambitions
02 Own Anugraha Sadan 
03 Create a trust fund for my daughter & wife
04 Have a positive net worth
05 Have all of the insurance that you need to protect yourself from risk
06 Earn 6 digits salary per month
07 A complete family tree with all the branches
08 Reboot the life at 60

8 Steps to the career

09 Complete ICWA

10 PMP Certification

11 Leave a job you hate

12 Be able to read and understand the corporate income and financial documents

13  Present yourself infront of the audience (in any personal or official function)

2 Steps in the name of friends
14 A Reunion of atleat 50% of my High School Class Mates (Total Strength ~ 63)
15 Complete list of All friends in FB, Blogs with their Date of Births to wish them all the time

3 Steps to drown in the ocean of learning
16 Learn Swimming
17 Learn Flute..and atleast good enough to play Ranadheera's (Hindi Movie "Hero")Theme Music
18 Learn to Speak atleast three more languages apart from Kannada, English, Hindi

7 Steps to ignite the passion in life
19 Test drive a car which I cant afford to buy
20 Be a mentor to someone
21 Get a complete makeover (change everything, from hair style, image, clothes) 
22 Write 50 Books
23 Read all the book collected so far in my library by end of this year
24 Read all the posts in the blog which am following as on day
25 Create a group for Alemarigalu in Social Network

4 Steps to remove the idle by meeting the idols of inspiration
26 Meet Sourav Ganguly (I like the killer instinct in him on the field)
27 Meet Rahul Dravid (I like the patience on and off the field)
28 Meet Pro. G. Venkatasubbaiah(centurion, contributed enormously to the development of Kannada) 
29 Meet the teacher whom I love the most

7 Steps to tear away the rust from the life by habits
30 Meditate for 20 minutes a day for a year and continue
31 Write the personal diary for a year and contine from there on
32 Encourage my best friend (Daughter) to get in to writing her diary everyday
33 Get my life in shape (cut out Bad memories. Quit doing the things I hate, break the bad habits)
34 Go for a walking with wife and daughter every day for a year & continue there after
35 Save Rs.1000/- every month for a year. At the end of the year, invest the money for the future
36 Keep minimum Rs.100000/- in SB Account, and to be maintained all the time 

3 Steps to iron out the wrinkles in fitness
37 Own a Cycle (Geared one) and ride 5 Kms everyday
38 Keep the waist size to 32 and weight to 65kgs for rest of the life
39 Run & Complete a Marathon

5 Steps to step in to the society
40 Devote free time and part of Hard Earned Money to Dashaveda Ashrama in Hassan and its activities
41 Adopt a child for the education 
42 Save Someone's Life
43 Tell at least 10 people about your bucket list and encourage them to do the same
44 Spread the news on Pustakada mane to 100 people & Donate a 5 Digit from my pocket.

8 Steps to etch the feelings of heart
45 A Book on my parents
46 A Book on my soul mates
47 A Book on Alemarigalu exploits
48 A Book on 101 Beautiful and meaningful dialogues of Balanna (Kannada Actor)
49 Write up on Highs & Highs of Raja (My Mom's Brother..who shares my name)
50 A Book on the positive impact of the bloggers association
51 A Book on kannada cine actor Sri. K S Aswath, and his influence on me
52 Write about myself and list out all the people who came in to my life with good/bad moments

3 Steps to type in to the electronics media
53 Write about all the movies I liked in any languages in the blogspot moved movies 
54 Complete 1000 Posts in my blogs (02.10.12 - as of now 233 posts from six blog titles)
55 Write up on all the Kannada Movies directed by Puttanna Kanagal

3 Steps to decorate the cupboard of the heart
56 Collect atleast 5000 meaningful books
57 Buy & Read all the books of my favorite author - Sri Poornachandra Tejaswi
58 Collect all the movie CD's of Raj and Puttanna Kanagal

3 Steps to mass hysteria
59 Watch "Padiyappa" in Tamilnaadu in a theatre with Rajani fans
60 Watch Sholay, Sharabhi, Kala Patthar with Big B Fans in a Theatre
61 Watch all the movies of Akhira Kurosava (Japan Movie Director)

1 Step to the challenge the impossible
62 Logoff from Facebook, Blog, SMS world for one month

1 Step to dream a dream
63 Krishna & Arjuna on the Chariot Wallpaper completely covering one side of the wall in my room

36 Steps  to get in to the mother nature's lap
64 A Long Biking Trip
65 A Trek on Deep forest with Balu Sir (A Friend, A Guide and A Good Blogger from Mysore)
66 A Trip/Trek to Manasa Sarovar
67 A Trek to Amarnath Yaatra
68 Bullet riding in Himalayan Region (Leh, Ladakh or any other snow clad path)
69 A Trip to Chardhaam Yaatra
70 Complete the Trails of Hoysala Temple and Document
71 Ellora and Ajanta, Khajuraho caves
72 Explore Most of Karnataka's Location
73 Explore Rajasthan The palces, the forts and so on
74 Fly on Mounteverest
75 Go on a long drive in my Ritz with my family
76 Go on a trip every weekend with my family & explore the different location never visited before
77 Go trekking in a rainforest
78 Pack my  bags and set off for a random location with no planning
79 Part of Sunrise and Sunset in Kanyakumari
80 Rafting in Dandeli, Dubaare
81 Spend a new year on a mountain top with Alemarigalu Group
82 Step on Foreign Soil with family
83 Trek & Summit  top 10 cliffs in Karnataka
84 Trek dudsaagar in monsoon by getting drenched completely
85 Try one of the Water sports like Water rafting, Sailing, Scuba diving, Snorkeling
86 Visit and Stay in Hampi for atleast 7 Days
87 Visit Andaaman (Cruise)
88 Visit Dasara Procession in Mysore
89 Visit Jalianwala bagh and pray for the people who departed their life in the masacre
90 Visit Jog in Monsoon in full glory (want to see a complete white patch of Water filled falls)
91 Visit Kaladi - Birthplace of Sri Shankarachaarya
92 Visit Kodaikanal with my family and rewind the moments
93 Visit Konark Temple
94 Visit Kurukshetra
95 Visit Tula Sankramana in Talakaveri on any October 17th
96 Watch Snow fall from close ranges
97 Write a blog first…. then go on the trip/trek doing exactly as per the blog (The idea coined by Sandeep KB and Yashdeep Saint..so when i complete this credit for these two great souls)
98 Visit Dhanushkoti in Rameshwaram
99 Visit All Major temples in India

1 Step away from the penalty kick
100 Complete the list of 100

The above list has child like enthusiasm, stupidity like grown up adults, nirvaana state of senior citizens, craziness like the ancestors of evolution...but the list is a list of aspirations, and a serious attempt to ticking off surely brings the feel of......(fill up the blank) :-)

ಪುಟ್ಟು ಎಂಬ ದೊಡ್ಡ ಮನಸಿನ ಯಜಮಾನ

"ಮಂಜಣ್ಣ ತಗೋ ಈ ಹೊಸ ಶರ್ಟ್ ಹಾಕಿಕೋ..ಬೆಂಗಳೂರಿಗೆ ಹೋಗ್ತಾ ಇದ್ದೀಯ ಅಲ್ವ..?"

ಇದು ಯಾವುದೇ ಚಿಕ್ಕ ಮಗು ಹೇಳಿದ ಮಾತಲ್ಲ..ಸುಮಾರು ಒಂದೇ ವಯಸ್ಸಿನವರಾದ ನಮ್ಮ ಅಪ್ಪ ಮತ್ತು ಅವರ ಚಿಕ್ಕಜ್ಜಿ ಮಗನ ನಡುವೆ  ನಡೆದ ಸಂಭಾಷಣೆ..

ನಮ್ಮಪ್ಪ ಬೇಕು ಎಂದು ಕೇಳಲಿಲ್ಲ..ಆದ್ರೆ ಪರಿಸ್ಥಿತಿ ಅರ್ಥ ಮಾಡಿಕೊಂಡು ಆಗ ತಾನೇ ಅಂಗಡಿಯಿಂದ ತಂದಿದ್ದ ಹೊಚ್ಚ ಹೊಸ ಶರ್ಟನ್ನು ಕೊಟ್ಟವರು..ಇವರು

ನಾವು ನಮ್ಮ ವಸ್ತುವನ್ನು ಕೊಡಬೇಕೆಂದು ಸಾಮಾನ್ಯವಾಗಿ ಅನ್ನಿಸುವುದು ವಸ್ತು ಹಳೆಯದಾದಾಗ ಇಲ್ಲವೇ ಅದು ನಮಗೆ ಬೇಡವೆನಿಸಿದಾಗ..ಹೊಸ ವಸ್ತುಗಳನ್ನು ಕೊಡುವುದು ಇರಲಿ...ಇನ್ನೊಬ್ಬರಿಗೆ ತೋರಿಸಿದರೆ ಅವರು ಕೇಳಿಬಿಡುತ್ತಾರೆನೋ ಅನ್ನುವ ಅಳುಕು ಇರುತ್ತೆ..ಅಂಥಹ ಒಂದು ಮುಗ್ಧ ಮನಸಿನ ಯಜಮಾನ "ಪುಟ್ಟು" ಎನ್ನುವ ಈ ಮಹಾನುಭಾವರು.

ಸುಬ್ರಮಣ್ಯ ಎನ್ನುವ ಹೆಸರಿಂದ ನಾಮಾಂಕಿತರಾಗಿ "ಪುಟ್ಟು" ಎನ್ನುವ ಹೆಸರೇ ಶಾಶ್ವತವಾಗಿ ಉಳಿದು ಸಂಬಂಧಿಕರಲ್ಲಿ ಅದೇ ಹೆಸರಿನಿಂದ ಗುರುತಿಸಿಕೊಂಡರು ಇವರು..

ಶಿವಮೊಗ್ಗದಲ್ಲಿ ಎರಡು ಮನೆಯನ್ನು ಕೇವಲ ಒಂದೇ ಒಂದು ಗೋಡೆ ಬೇರೆ ಮಾಡಿತ್ತು..ಆದ್ರೆ ಆ ಗೋಡೆಗೂ ಒಂದು ಬಾಗಿಲು ಇತ್ತು..ಆ ಬಾಗಿಲು ಸದಾ ತೆರೆದೇ ಇತ್ತು..ಇಂತಹ ಎರಡು ಮನೆಯಲ್ಲಿ ಎರಡು ಕುಟುಂಬಗಳು ಒಂದೇ ಕುಟುಂಬದಂತೆ ಸುಮಾರು ಏಳೆಂಟು ವರುಷ ಸಂಸಾರ ಮಾಡಿತ್ತು..ರಕ್ತ ಸಂಬಂಧಕ್ಕಿಂತ ಮಾನವೀಯ ಸಂಬಂಧ ಅಧಿಕವಾಗಿದ್ದ ಆ ಕಾಲದಲ್ಲಿ ನಮ್ಮ ಕುಟುಂಬ ಹಾಗು "ಪುಟ್ಟು" ಅವರ  ಕುಟುಂಬ ಎರಡು ಸೇರಿ ಸುಮಾರು ೧೨ ಮಂದಿ ಸುಖವಾಗಿ ಕಳೆದ ಆ ದಿನಗಳು ನಮ್ಮೆಲ್ಲರ ಬದುಕಿನಲ್ಲಿ ಒಂದು ಸುವರ್ಣ ಅಧ್ಯಾಯ ಎನ್ನಬಹುದು..

ಮಗುವಿನ ಮನಸು ಹೇಗೆ ಇರಬೇಕು..ಹೇಗೆ ಇರುತ್ತೆ ಅನ್ನುವುದು ಯಾವಾಗಲೂ ಯಕ್ಷ ಪ್ರಶ್ನೆಯಾಗಿ ಕಾಡಿತ್ತು..ಆದ್ರೆ ಸುಮಾರು ೭೪ -೭೫
ವಸಂತಗಳನ್ನು ಕಂಡರೂ ಮಗುವಿನ ಮುಗ್ದತೆ, ಮೃದು ಮಾತು, ಹಗುರ ಮನಸು ಇವೆಲ್ಲರ ಯಜಮಾನ ಇಂದು(೨೨ನೆ ಸೆಪ್ಟೆಂಬರ್ ೨೦೧೨)  ನಮ್ಮೆಲ್ಲರನ್ನೂ ಬೆಳಿಗ್ಗೆ  ಸುಮಾರು ಏಳು ಘಂಟೆಗೆ ಅಗಲಿದ್ದಾರೆ.

ಶ್ರೀ ಸುಬ್ರಮಣ್ಯ ("ಪುಟ್ಟು) 

ಇಂತಹ ಮುಗ್ಧ ಮನಸಿನ ಯಜಮಾನರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಕೋರುವುದು ನಮ್ಮನ್ನು ನಾವೇ ಗೌರವಿಸಿಕೊಂಡ ಹಾಗೆ..ಮತ್ತು ಅವರಿಗೆ ಒಂದು ದೊಡ್ಡ ಗೌರವ ಸೂಚಿಸಿದ ಹಾಗೆ..

ನಿಮ್ಮ ಆಶಿರ್ವಾದ ನಮ್ಮ ಮೇಲೆ ಇರಲಿ..ನಾವೆಲ್ಲರೂ ನಿಮ್ಮ ಕುಟುಂಬದ ಜೊತೆ ಸದಾ ಇರುತ್ತೇವೆ..

ಅಣ್ಣನಿಲ್ಲದ ಗಣಪನ ಹಬ್ಬ

ಬೆಳಿಗ್ಗೆ ಎದ್ದು ಕಣ್ಣು ಬಿಟ್ಟಾಗ..ಏನೋ ಕೊರತೆ ಎದ್ದು ಕಾಣುತಿತ್ತು..

ಅಮ್ಮನ ಮನೆಗೆ ಬಂದೆ..ಕಾಫಿ ಕುಡಿಯುತ್ತ ಇದ್ದಾಗ...

ಅಮ್ಮ ಕಣ್ಣು ತುಂಬಿಕೊಂಡು..

"ಅವರು ಇದ್ದಿದ್ದರೆ ಎಷ್ಟು ಸಂಭ್ರಮ ಇರ್ತಿತ್ತು....!"

ಮನಸು ಮೂರು ದಶಕಗಳ ಹಿಂದೆ ಓಡಿತು...

"ಅಣ್ಣ (ಅಪ್ಪ)..ಗಣಪತಿ ತರಲು ನಾವು ಬರ್ತೀವಿ..."

"ಸರಿ ಬನ್ನಿ"

ದಾರಿಯುದ್ದಕ್ಕೂ ನಾನು, ನನ್ನ ತಮ್ಮ ಘಂಟೆ ಬಾರಿಸಿಕೊಂಡು..ತ್ಯಾಗರಾಜ ನಗರದಿಂದ ನರಸಿಂಹ ರಾಜ ಕಾಲೋನಿ, ಡಿ.ವಿ.ಜಿ. ರೋಡ್, ಗಾಂಧಿ ಬಜಾರ್ ತನಕ...ಸರದಿಯಲ್ಲಿ ಘಂಟೆ ಬಾರಿಸಿದ್ದೆ ಬಾರಿಸಿದ್ದು..

"ಅಣ್ಣ ಆ ಗಣಪತಿ..ತಗೊಳ್ಳಿ..ಅಣ್ಣ..ಈ ಗಣಪತಿ ತಗೊಳ್ಳಿ.."

"ಆ ಗಣಪತಿಗೆ ನಾಮ ಇದೆ, ಈ ಗಣಪತಿ ವಿಭೂತಿ ಇಟ್ಟುಕೊಂಡಿದೆ...ನಮಗೆ ಗೋಪಿಚಂದನ ಇರುವ ಗಣಪತಿ ಬೇಕು..ನೋಡ್ತಾ ಇರಿ"

ಇಲ್ಲಿ ಜಾತಿ, ಗೀತಿ ಅನ್ನುವ ಪೊಳ್ಳು ನುಡಿಗಳಿಗಿಂತ..ನಮ್ಮ ಅಪ್ಪ..ಸದಾ ಅಚ್ಚುಕಟ್ಟು ಇಷ್ಟ ಪಡ್ತಾ ಇದ್ದರು..ಅವರು ನಂಬಿದ್ದ, ನೆಡೆದುಕೊಂಡಿದ್ದ ದಾರಿಯನ್ನು ಎಂದು ಬದಲಿಸುತ್ತಿರಲಿಲ್ಲ

ಸರಿ ಗಣಪತಿ ಸಿಕ್ಕಿತು, ಬಾಳೆ ಕಂದು, ಮಾವಿನ ಎಲೆಗಳು, ಹೂವು ಒಂದೊದಾಗಿ ನಮ್ಮ ಕೈಗೆ ಸೇರುತಿದ್ದವು..ನಾನು ನನ್ನ ತಮ್ಮ ನಮ್ಮ ಶಕ್ತಿ ಮೀಟಿ ಘಂಟೆ ಬಾರಿಸುವದರ ಜೊತೆಗೆ, ಆದಷ್ಟು ಭಾರ ಕೈಯಲ್ಲಿ ಹಿಡಿದು ಸಾಗುತಿದ್ದೆವು..
ಮನೆಗೆ ಬಂದ ನಂತರ..ಬಾಗಿಲಲ್ಲೇ ಗಣಪನಿಗೆ ಆರತಿ ಬೆಳಗಿ ಅಮ್ಮ ಮನೆಯ ಒಳಗೆ ಕರೆಯಿಸಿಕೊಂಡ ಮೇಲೆ..ನಾವು ನಮ್ಮ ಗಣಪನ ಪ್ರವಾಸವನ್ನು ಅಮ್ಮನಿಗೆ ಅರುಹುವ ತನಕ ನೆಮ್ಮದಿ ಇಲ್ಲ..ನಾನು ಹೇಳಿದ್ದನ್ನು ತಮ್ಮ ಸರಿ ಮಾಡುವುದು..ತಮ್ಮ ಹೇಳಿದ್ದನ್ನು ನಾನು ಸರಿ ಮಾಡುವುದು..ಹೀಗೆ ಸಾಗುತಿತ್ತು...

ಆ ದಿನಗಳ ಸೊಗಸೇ ಸೊಗಸು..ಕೈಯಲ್ಲಿ ಕಾಸಿರುತ್ತಿರಲಿಲ್ಲ..ಆದ್ರೆ ಇದ್ದದ್ದರಲ್ಲೇ ಅಪ್ಪ, ಅಮ್ಮ ಕೊಟ್ಟ ಚಿಕ್ಕಾಸುಗಳನ್ನು ಕೂಡಿಸಿಕೊಂಡು..ಬಣ್ಣದ ಕಾಗದ, ಬಲೂನ್, ಗಣಪನ ಅಲಂಕಾರಕ್ಕೆ ಬೇಕಾದ ಸಿದ್ಧತೆ ಮಾಡುವುದರಲ್ಲಿ ಹುಮ್ಮಸ್ಸು..ಅದರ ಮಜವೇ ಬೇರೆ (ಅಪ್ಪನ ಪ್ರೇರಣೆ...ಅದು ಇಂದಿಗೂ ಕುಂದಿಲ್ಲ ಅನ್ನುವುದೇ ನನಗೆ ಸಮಾಧಾನದ ಸಂಗತಿ..)...

ಪ್ರತಿವರುಷವು ಇದೆ ವರಸೆ ಪುನಾರಾವರ್ತನೆ ಆಗುತಿತ್ತು..ಆದ್ರೆ ನಮ್ಮ ಹುಮ್ಮಸ್ಸು ವರುಷದಿಂದ ವರುಷಕ್ಕೆ ಬೆಳೆಯುತ್ತಲೇ ಹೋಯ್ತು...

ಇಂದು ಗಣಪನ ಹಬ್ಬದ ದಿನ..ಮನೆಯಲ್ಲಿ ನೀರವ ಮೌನ..ಎಂದಿನ ಕಲರವವಿಲ್ಲ..ಮನೆಯ ಯಜಮಾನ..ಮನದಲ್ಲೇ ಇದ್ದು ಹರಸುತ್ತ ಇದ್ದಾರೆ..ಗಣಪ ನಮ್ಮ ಮನೆಗೆ ಬರಲು ಇನ್ನೊಂದು ವರುಷ ನೀನು ಕಾಯಲೇಬೇಕು..!! 

ನನ್ನ ಎರಡನೇ ಕೂಸಿಗೆ ವರ್ಷದ ಸಂಭ್ರಮ...

ಎಲ್ಲರ ಮನೆಯಲ್ಲೂ ಎರಡು ಮೂರು ಇರುತ್ತೆ..ನಿನಗೂ ಬೇಡವೇ...ನೀನು ಯೋಚಿಸು ನೋಡು..ನನ್ನ ಮನಸು ಸದಾ ಹೇಳುತಿತ್ತು....ಆದ್ರೆ ಈಗ ಬೇಕೇ ಬೇಡವೇ...ಮನಸು ದ್ವಂದ್ವದ ಗೂಡಾಗಿತ್ತು...ಅಪ್ಪ ಅಮ್ಮನಿಗೆ ಖುಷಿ ಕೊಡುವ ಸಂಗತಿಗಿಂತ ಬೇರೆ ಏನು ಸಾಧನೆ ಎನ್ನಿಸಿತು...!

ಮನೆಯಲ್ಲಿ ಮಡದಿ ಯೋಚನೆ ಮಾಡಿ..ಸುಮ್ಮನೆ ದುಡುಕುವುದು ಬೇಡ...ಅಂತ ಹೇಳುತಿದ್ದಳು...ಆಗಲೇ ಮೊದಲನೆಯ ಕೂಸಿಗೆ ಹತ್ತಿರ ಹತ್ತಿರ ಒಂಭತ್ತು ವರುಷಗಳು ಆಗುತ್ತಾ ಬಂದಿದೆ...ನಮ್ಮ ಜೊತೆ ಒಂದು ನಿಮಿಷವೂ ಬಿಟ್ಟು ಇರುವುದಿಲ್ಲ..ನಮ್ಮನ್ನು ಅಷ್ಟು ಪ್ರೀತಿ ಮಾಡುತ್ತದೆ..ಹೀಗೆ ಸಾಗಿತ್ತು ಮಾತಿನ ಲಹರಿ...

ತುತ್ತಾ ಮುತ್ತಾ...ಈ ಪ್ರಶ್ನೆ ಅಚಾನಕ್ಕಾಗಿ ವಿಚಿತ್ರ ರೀತಿಯಲ್ಲಿ ಕಾಡತೊಡಗಿತ್ತು..ನನಗು ಅನ್ನಿಸಿತ್ತು ಹೌದು ನನ್ನ ಮೊದಲ ಕೂಸು ನಮ್ಮನ್ನು ಎಂದು ನೋಯಿಸಿಲ್ಲ...ನಮ್ಮ ಕಷ್ಟ ಸುಖ ಎಲ್ಲದರಲ್ಲೂ ಹೆಜ್ಜೆ ಹಾಕುತ್ತ ಬಂದಿದೆ..ಈ ಸಮಯದಲ್ಲಿ ಏನು ಮಾಡೋದು ಅನ್ನಿಸಿತು..

ನೆಂಟರಿಷ್ಟರ ಕೆಲವು ಸಮಾರಂಭಗಳಲ್ಲಿ ನನ್ನ ಅಪ್ಪ ಅಮ್ಮ ಪಡುತಿದ್ದ ಗೋಜಲನ್ನು.....ಸಂಬಂಧಿಕರ ಪ್ರಶ್ನೆ ಭರಿತ ನೋಟಕ್ಕೆ ಎಷ್ಟೋ ಸಲ ಮಾತಾ ಪಿತೃಗಳು ಮೌನಕ್ಕೆ ಶರಣು ಹೋಗಿದ್ದನ್ನು ಕಂಡಿದ್ದೆ.....

ಇದನ್ನೆಲ್ಲಾ ನೋಡಿ ಒಂದು ದಿನ ನಿರ್ಧರಿಸಿಯೇ ಬಿಟ್ಟೆ...ಆ ನಿರ್ಧಾರದ ಫಲ ಕಳೆದ ವರ್ಷ ಸೆಪ್ಟೆಂಬರ್ ೨ ೨೦೧೧ ರಂದು ಬಹು ವರ್ಷಗಳ ತಪಸ್ಸು..ಅಪ್ಪ ಅಮ್ಮನ ಹಾರೈಕೆ ಎಲ್ಲವು ಕೂಡಿಬಂತು...ಮನೆಯಲ್ಲಿ ಎಲ್ಲರಿಗು ಸಂತೋಷ..ಅವಾಗ ನನ್ನ ಮನಸಿಗೆ ಗೌರಿಶಂಕರ ಏರಿದಷ್ಟು ಖುಷಿ...ಅಪ್ಪ ಅಮ್ಮನ ಮುಖದಲ್ಲಿ ಒಂದು ಹೆಮ್ಮೆಯ ಸಂತಸ ಕಂಡಾಗ ಪಟ್ಟ ಕಷ್ಟವೆಲ್ಲ ಉಫ್ ಅಂತ ಗಾಳಿಯಲ್ಲಿ ಕರಗಿ ಹೋಯಿತು..

ಬನ್ನಿ ಗೆಳೆಯರೇ, ಗೆಳತಿಯರೆ, ಸೋದರ ಸೋದರಿಯರೆ..ನಮ್ಮ ಸಂತಸದಲ್ಲಿ ನೀವು ಪಾಲ್ಗೊಳ್ಳಿ...ನಾಳೆ ವರುಷದ ಹೆಚ್ಚು,  ನಾಮಕರಣ...ನಿಮಗೆಲ್ಲ ಮೊದಲೇ ಹೆಸರನ್ನು ಹೇಳಿಬಿಡುತ್ತೇನೆ..ಕಾರಣ ಕೆಲಸದ ಒತ್ತಡ ಕೆಲವೊಮ್ಮೆ ಕಾರ್ಯಕ್ರಮಗಳಿಗೆ ಬರಲಾಗುವುದಿಲ್ಲ..ಅಲ್ಲವೇ...

....

....

....

....

....

....

....

....

....

....

....

....

....

....

....

....

....

ಮೊದಲ ಕೂಸು -ಟಿ.ವಿ.ಎಸ್ ವಿಕ್ಟರ್ - ಬರೋಬ್ಬರಿ ಹತ್ತು ವರುಷ

....

....

....

....

....

....

....

....

ಕೂಸು ಪ್ರಸೂತಿ ಕೋಣೆಯಿಂದ..   ಜನಿಸಿದ ಸಂದರ್ಭದ ಲೇಖನ

ಎರಡನೇ ಕೂಸು...ಮಾರುತಿ ಸುಜುಕಿ ರಿಟ್ಜ್..ಒಂದು ವರುಷದ ಹೊಸ್ತಿಲಿನಲ್ಲಿ..

....

....

....

....

....

....

....

....

ನನ್ನ ಅಪ್ಪ ಅಮ್ಮನ ಪ್ರೀತಿಯಿಂದ ಇಟ್ಟ ಹೆಸರು "ಶ್ರೀವಿತಲ್"      

ಶುಭ ಹಾರೈಸಿ..ಸುದೀರ್ಘ ವರುಷಗಳ ಕಾಲ ಆರೋಗ್ಯವಂತನಾಗಿ, ಯಶೋವಂತನಾಗಿ.ಸುಂದರ ಬದುಕು ಸಾಗಿಸಲಿ..
ನಿಮ್ಮ ಹಾರೈಕೆ ನನ್ನಿಬ್ಬರ ಕೂಸುಗಳಿಗೆ ಭದ್ರ ವಜ್ರ ಕೋಟೆ..!!!!.

ಐದು ಮುತ್ತುಗಳು...ಆಯ್ದುಕೊಂಡು ಹೋಗೋಣ ಬನ್ನಿ.. - Part II

ಮೊದಲನೇ ಅಂಕ...ಪರದೆಯ ಹಿಂದೆ...

ಒಂದು ಕುಟುಂಬದಲ್ಲಿ ಎಷ್ಟು ಸಹಾಬಾಳ್ವೆ ಇರಬಹುದು ಇರಬೇಕು..ಇದೆಲ್ಲ ಯೋಚನೆ ಮಾಡುವುದೇ ಅಲ್ಲ..ಬನ್ನಿ ಒಮ್ಮೆ ಬ್ಲಾಗ್ ಲೋಕಕ್ಕೆ...ದುಮುಕಿ ಒಂದು ಅಲೆಯ ಜೊತೆ ಈ ಕಡಲಿಗೆ..ಸಿಗುವ ಮಜವೇ ಬೇರೆ..

ಬನ್ನಿ..ಮುತ್ತು ಆಯ್ದುಕೊಳ್ಳುವ ಈ ಸಂಭ್ರಮದ ಅಭೂತಪೂರ್ವ ಕ್ಷಣಗಳಿಂದ.....

ಅಂದದ ಸಭಾಂಗಣ

ಜೊತೆ ಜೊತೆಯಲ್ಲಿ ಹೆಜ್ಜೆ ಹಾಕಿ ನಲಿಯುವ ಸಂಭ್ರಮ..

ಜೊತೆಯಲಿ ಜೊತೆ ಜೊತೆಯಲಿ

ಹೆಣ್ಣನ್ನು ಸಿಂಗರಿಸಿ...ಮಂಟಪಕ್ಕೆ ಕರೆತರುವ ದೃಶ್ಯ...ಬಹು ಸುಂದರ...

ಸೋದರಮಾವಯ್ಯ...ಕರೆ ತನ್ನಿರಯ್ಯ ಧಾರೆಗೆ ವಧುವನ್ನು...

ಅಪ್ಪಿಕೋ ಚಳುವಳಿಯ ಭಾವುಕ ಕ್ಷಣಗಳು..ತಮ್ಮ ಗೆಳೆಯರನ್ನ ಭೇಟಿ ನೀಡಿದ ಮಧುರ ಕ್ಷಣಗಳು

ನಾವೆಲ್ಲಾ ಇರುವಾಗ ಸಭಾಂಗಣ ತುಂಬಲು ಸಾಹಸ ಪಡಬೇಕೆ..ನಾವೇ ಗೆಲುವು..ಗೆಲುವೆ ನಾವು...

ಯೆಡಿ- ಬಡಿ ಊರಪ್ಪ...

ಬ್ಯಾಡ್ರಿ....ಬದರಿ...ಬನ್ನಿ ಇತ್ಲಾಗೆ...ನೀವಿಲ್ಲದೆ ಜನ ಬರರು....

ಪುಟಾಣಿಗಳು ಸಂಭ್ರಮದಿಂದ ನಲಿದಾಡಿದ ಆ ಕ್ಷಣಗಳು

ಮುದ್ದು ಮರಿ...

ಶೀತಲ್ ಗಿಂತ ಇರುವುದೇ ತಣ್ಣಗೆ

ಮಧುರವಾದ ಘಳಿಗೆಗಳಿಗೆ ಫೋಟೋ ಬೇಡವೇ ನಾನಿದ್ದೇನೆ....

ಬಾಲು ಸರ್..ಅವರ ತುಂಟು ಕಣ್ಣಿನ ಜೊತೆ...

ಕೆಲಸದ ಒತ್ತಡದ ನಡುವೆ ಕೂಡ ಈ ಮಧುರ ಸಂಗಮಕ್ಕೆ ಸಾಕ್ಷಿಯಾದವರು

ಪ್ರೇಕ್ಷಕರಿಂದ..ಮೊರೆತ ಕೇಳುತಿತ್ತು...ಪುಸ್ತಕದ ಬಿಡುಗಡೆ ಕ್ಷಣ ಹತ್ತಿರ ಬಂತು...

ಸಭಿಕರು...ಬ್ಲಾಗಿಗರು...ಚಿತ್ರಕೃಪೆ - ದಿಗ್ವಾಸ್ ಹೆಗ್ಗಡೆ..

ಪುಸ್ತಕಗಳ ಸರದಾರರು ಸಭೆಯ ಮುಖ್ಯ ಅತಿಥಿಗಳ ಜೊತೆಯಲ್ಲಿ ನಿಂತರು...

ಲೇಖಕರು, ಅತಿಥಿಗಳು.. ..ಚಿತ್ರಕೃಪೆ - ದಿಗ್ವಾಸ್ ಹೆಗ್ಗಡೆ..        

ಒಂದೊಂದಾಗಿ ಪುಸ್ತಕಗಳ ಪದರ ಬಿಚ್ಚುತ್ತಾ...ಭಾವನೆಗಳನ್ನ ಹರವಿ ಹಾಕಲು ಶುರು ಮಾಡಿದರು...ಎಲ್ಲ ಪುಸ್ತಕಗಳು ಲೋಕಾರ್ಪಣೆಯಾಯಿತು..

ಲೇಖಕರು, ಅತಿಥಿಗಳು.. ..ಚಿತ್ರಕೃಪೆ - ದಿಗ್ವಾಸ್ ಹೆಗ್ಗಡೆ..       

ತಮ್ಮ ತಮ್ಮ ಅನಿಸಿಕೆಗಳು, ಭಾವನೆಗಳು, ಅಂತರಂಗದ ಅಭಿಮಾನಗಳು ಬುಗ್ಗೆಯಾಗಿ ಹರಿಯತೊಡಗಿತು...
ಸಾರ್ಥಕ ಕ್ಷಣಗಳಿಗೆ ಕಾರಣವಾಗಿದ್ದು ನೂರಾರು ಸಾವಿರಾರು ಕಣ್ಣುಗಳು..

ಸಭಿಕರು...ಬ್ಲಾಗಿಗರು...ಚಿತ್ರಕೃಪೆ - ದಿಗ್ವಾಸ್ ಹೆಗ್ಗಡೆ..

ಸಭಿಕರು...ಬ್ಲಾಗಿಗರು...ಚಿತ್ರಕೃಪೆ - ದಿಗ್ವಾಸ್ ಹೆಗ್ಗಡೆ..

ಇಂತಹ ಒಂದು ಅಮೋಘ ಕ್ಷಣಗಳಿಗೆ ಕಾರಣವಾದ ಸಭಾಂಗಣ ಖುಷಿಯಿಂದ ಆನಂದಭಾಷ್ಪ ಸುರಿಸಿತು...
ಧನ್ಯ ಬ್ಲಾಗಿಗರ ಲೋಕ..ಧನ್ಯ ಕವಿಗಳ ನಾಕ...ಇದುವೇ ಅಲ್ಲವೇ ಸುಂದರ ಜಗತ್ತು...
ಗೆಳೆಯರೇ ಮತ್ತೆ ಇನ್ನೊಂದು ಇಂತಹ ಕ್ಷಣಗಳಿಗೆ ಸಾಕ್ಷಿಯಾಗಲು ಮತ್ತೆ ಕಾಯುತ್ತೇನೆ..
ಹೋಗಿ ಬನ್ನಿ ಎಂದಿತು...ವಾಡಿಯಾ ಸಭಾಂಗಣ...

ಆನಂದ ಭಾಷ್ಪದೊಂದಿಗೆ... ವಾಡಿಯಾ ಸಭಾಂಗಣ.....