ಕಗ್ಗಂಟಿನ ಕರದಂಟು - ಡಿವಿಜಿ ಅಜ್ಜ - ೧೦

ಏನು ಪ್ರಪಂಚವಿದು! ಏನು ಧಾಳಾಧಾಳಿ! |
ಏನದ್ಭುತಾಪಾರಶಕ್ತಿನಿರ್ಘಾತ! ||
ಮಾನವನ ಗುರಿಯೇನು? ಬೆಲೆಯೇನು? ಮುಗಿವೇನು? |
ಏನರ್ಥವಿದಕೆಲ್ಲ? – ಮಂಕುತಿಮ್ಮ || ಕಗ್ಗ 10 ||

ಜಂಗಲ್ ರಾಜ್ಯ ಅನ್ನುವಂತೆ.. ಅಪಾರ ಶಕ್ತಿಶಾಲಿ ಅಸ್ತ್ರ ಶಸ್ತ್ರಗಳನ್ನು ರಕ್ಷಣೆ ಮಾಡಿಕೊಳ್ಳಲು ಉಪಯೋಗಿಸುವ ಬಳಸದೆ ಇನ್ನೊಬ್ಬರನ್ನು ಹಾಳು ಮಾಡೋದು ಅಥವ ನಿರ್ನಾಮ ಮಾಡುವ ಮನುಷ್ಯನ ಗುಣವನ್ನು ಪ್ರಶ್ನಿಸುವ ಪ್ರಶ್ನೆ ಈ ಕಗ್ಗದಲ್ಲಿದೆ.. 

ಸುಂದರವಾಗಿರುವ ಪ್ರಪಂಚವನ್ನು ಅಣ್ವಸ್ತ್ರಗಳಿಂದ ವಿನಾಶ ಮಾಡಿ.. ಎಲ್ಲೆಡೆಯೂ ಹಾಹಾಕಾರ ನಿರ್ಮಿಸುವ ಮನುಷ್ಯನ ಗುರಿ ಏನು ಎಂಬ ಪ್ರಶ್ನಾರ್ಥಕ ಚಿನ್ಹೆ ಇರುವ ಪ್ರಶ್ನೆಗೆ ಸಮಾಧಾನಕರ ಉತ್ತರವೆಂದರೆ ಚಂದವಳ್ಳಿಯ ತೋಟ ಚಿತ್ರ.. 

ತಮ್ಮ ಇತಿಮಿತಿಯಲ್ಲಿ ಸುಸಮೃದ್ಧವಾಗಿ ಬದುಕುತಿದ್ದ ನಂಜೇಗೌಡನ ಪಾತ್ರ.. ಅದಕ್ಕೆ ಒತ್ತಾಸೆಯಾಗಿ ನಾ ಕೆಟ್ಟರೂ ನೀನು ಕೆಡಬಾರದು ಅಂತ ಸರ್ಪ ಸಂಪತ್ತನ್ನು ಕಾಯುವಂತೆ ತನ್ನ ಗೆಳೆಯನನ್ನು ಕಾಯುವ ನರಹರಿಯ ಪಾತ್ರ.. ಇವೆರಡೂ ಕುಟುಂಬಗಳು ಮನವೊಂದು ಮನೆಯೆರಡು ಎನ್ನುವಂತೆ ಬಾಳುತ್ತಿರುತ್ತಾರೆ.. 

ಅಂತಹ ಊರಿಗೆ ಪೂಜೆ ಪುನಸ್ಕಾರ ಮಾಡಿಕೊಂಡು ಇರುವ ಪುರೋಹಿತನ ಕುಟುಂಬದ ಗಂಡ ಹೆಂಡತಿ ಅದೇ ಊರಿನ ಉಡಾಳ ಕರಿಯಪ್ಪನ ಜೊತೆ ಸೇರಿ ನಂಜೇಗೌಡನ ಸಂಸಾರವನ್ನು ನಿರ್ನಾಮ ಮಾಡಿ ಕಡೆಯಲ್ಲಿ ನಂಜೇಗೌಡನಿಗೆ ಹುಚ್ಚು ಹಿಡಿಯುವಂತೆ ಮಾಡುವಲ್ಲಿ ನೆಡೆಯುತ್ತಾರೆ.. ಕಡೆಯಲ್ಲಿ ಕೋರ್ಟಿನಲ್ಲಿ ಪುರೋಹಿತನ ಕುಟುಂಬ ಹಾಗೂ ಕರಿಯಪ್ಪನಿಗೆ ಶಿಕ್ಷೆಯಾಗುತ್ತದೆ.. ಆದರೆ ಒಂದು ಅದ್ಭುತ ಕುಟುಂಬವನ್ನು ಹಾಳು ಮಾಡಿದ ಆ ಮೂವರು ಮನೆಮುರುಕರಿಗೆ ಕೊಟ್ಟ ಶಿಕ್ಷೆ ಕಡಿಮೆ.. 

ಚಂದವಳ್ಳಿಯ ತೋಟ 

ಅದಕ್ಕೆ ಆ ಚಿತ್ರದ ಕಡೆಯಲ್ಲಿ ಊರಿನ ಪಂಚಾಯತಿ ಕಟ್ಟೆಯ ಪ್ರಮುಖ ಹೇಳೋದು "ಮನೆ ಮನೆ ಒಂದಾಗಿದ್ದಾರೆ.. ಊರು ಒಂದಾಗಿರುತ್ತೆ.. ಊರು ಊರು ಒಂದಾಗಿದ್ದಾರೆ ನಾಡು ಒಂದಾಗಿರುತ್ತದೆ.. ನಾಡು ಒಂದಾಗಿದ್ದಾರೆ.. ಪ್ರಪಂಚದ ಯಾವ ಶಕ್ತಿಯೂ ಏನೂ ಮಾಡೋಕೆ ಆಗೋಲ್ಲ.. 

ಅಂದಿನ ಕಗ್ಗದ ತಿರುಳಿಗೂ ಅಂದಿನ ಪ್ರಪಂಚದ ಸ್ಥಿತಿಗೂ ಇಂದಿನ ಪ್ರಪಂಚದ ಸ್ಥಿತಿಗೂ ಏನೂ ವ್ಯತ್ಯಾಸವಿಲ್ಲ.. ನಮ್ಮಗಳ ಮನೋಭಾವ ಬದಲಾಗಬೇಕು ಅಷ್ಟೇ! ಇದೆ ಕಗ್ಗದ ಆಶಯ ಕೂಡ!