ಕಗ್ಗಂಟಿನ ಕರದಂಟು - ಡಿವಿಜಿ ಅಜ್ಜ - ೯

ಏನು ಭೈರವಲೀಲೆಯೀ ವಿಶ್ವವಿಭ್ರಮಣೆ! |
ಏನು ಭೂತಗ್ರಾಮನರ್ತನೋನ್ಮಾದ! ||
ಏನಗ್ನಿ ಗೋಳಗಳು! ಏನಂತರಾಳಗಳು! |
ಏನು ವಿಸ್ಮಯ ಸೃಷ್ಟಿ? – ಮಂಕುತಿಮ್ಮ || ಕಗ್ಗ 9 ||

ನಗುವ ಹೂವು ಇದು ಒಂದು ಅಪರೂಪದ ಚಿತ್ರ.. ವೈದ್ಯಕೀಯ ಪ್ರಪಂಚದಲ್ಲಿ ಕಾನ್ಸರ್ ಎಂಬ ಮಹಾಮಾರಿ ಉಂಟು ಮಾಡುವ ಉಪದ್ರವಗಳ ಬಗ್ಗೆ ಒಂದು ಅರ್ಥಪೂರ್ಣ ಚಿತ್ರ.. 

ಅದರಲ್ಲಿ ಆರಂಭಿಕ ದೃಶ್ಯಗಳಲ್ಲಿ ಕಾನ್ಸರಿಗೆ ತುತ್ತಾಗಿರುವ ಪಾತ್ರದಲ್ಲಿ ಬಾಲಣ್ಣ ಅರ್ಥಾತ್ ನಟ ಬಾಲಕೃಷ್ಣ ಅದ್ಭುತ ಅಭಿನಯ ನೀಡಿದ್ದಾರೆ.. ಅವರಿಗೆ ಸಿಗರೇಟ್ ಮತ್ತು ಇಸ್ಪೀಟು ಪ್ಯಾಕಿನ ಮೇಲೆ ಹುಚ್ಚು.. ಅದರ ಬಗ್ಗೆ ಕೇಳುವ ಡಾಕ್ಟರಿಗೆ ಬಾಲಣ್ಣ ಕೊಡುವ ಉತ್ತರ.. ಬಹುಶಃ ಈ ಕಗ್ಗದ ಅರ್ಥವಿಸ್ತಾರವನ್ನು ಹೆಚ್ಚಿಸುತ್ತದೆ ಅನ್ನುವ ನಂಬಿಕೆ ನನ್ನದು.. 

ಡಾಕ್ಟರ್ : "ಯಾಕೆ ಇಸ್ಪೀಟಿನ ಇಷ್ಟು ಹುಚ್ಚು"

ಬಾಲಣ್ಣ: ನೋಡಿ ಡಾಕ್ಟ್ರೇ ಇದು ಬರಿ ಇಸ್ಪೀಟು ಎಲೆ ಅಲ್ಲ .. ಇದರಲ್ಲಿ ಪುರಾಣ, ಪಂಚಾಂಗ ಅಡಗಿದೆ.. 

ಡಾಕ್ಟರ್ : ಅದು ಹೇಗೆ?

ಆಗ ಬಾಲಣ್ಣ ಒಂದೊಂದೇ ಕಾರ್ಡ್ ತೆಗೆದು ತೋರಿಸುತ್ತಾ ಅದನ್ನು ವಿವರಿಸುತ್ತಾರೆ 

ಬಾಲಣ್ಣ : ಡಾಕ್ಟ್ರೇ 

ಒಂದು - ದೇವರೊಬ್ಬನೇ ಅಂತ ಹೇಳುತ್ತೆ 

ಎರಡು - ಪ್ರಕೃತಿ ಪುರುಷನನ್ನ ತೋರಿಸುತ್ತೆ 

ಮೂರು - ತ್ರಿಮೂರ್ತಿಗಳನ್ನು ಜ್ಞಾಪಕ ಪಡಿಸುತ್ತೆ 

ನಾಲ್ಕು - ಚತುರ್ವೇದಗಳನ್ನು ನೆನಪಿಗೆ ತರುತ್ತೆ 

ಐದು - ಪಂಚೇಂದ್ರಿಯಗಳನ್ನು ಗೆಲ್ಲು ಅನ್ನುತ್ತೆ 

ಆರು - ಅರಿಷಡ್ವರ್ಗಗಳನ್ನು ಸೋಲಿಸು ಅನ್ನುತ್ತೆ 

ಏಳು  - ಸಪ್ತರ್ಷಿಗಳನ್ನು ಪರಿಚಯ ಮಾಡಿಕೊಡುತ್ತೆ 

ಎಂಟು - ಅಷ್ಟ ದಿಕ್ಪಾಲಕರನ್ನು ಸೂಚಿಸುತ್ತೆ 

ಒಂಭತ್ತು - ನವಗ್ರಹಗಳನ್ನು ಜ್ಞಾಪಕ ತರುತ್ತದೆ 

ಹತ್ತು - ವಿಷ್ಣುವಿನ ದಶಾವತಾರದ ಪ್ರತಿರೂಪ 

ಡಾಕ್ಟರ್ : ಇನ್ನೂ ಮೂರು ಕಾರ್ಡು ಇದೆಯಲ್ಲ

ಬಾಲಣ್ಣ : 

ಕಿಂಗ್ - ಶ್ರೀಮನ್ ಮಹಾವಿಷ್ಣು 

ಕ್ವೀನ್ - ಮಹಾಲಕ್ಷ್ಮಿ 

ಜಾಕ್ - ಆ ಮಹಾಲಕ್ಷ್ಮಿಯನ್ನು ಕಬ್ಬಿಣದ ಬೀಗದಲ್ಲಿ ಬಚ್ಚಿಡು ಎಂದು ಆಸೆ ಉಟ್ಟಿಸುವ ಸೈತಾನ

ಡಾಕ್ಟರ್ : ಪುರಾಣ ಆಯಿತು.. ಪಂಚಾಂಗ ಹೇಗೆ 

ಬಾಲಣ್ಣ : ೫೨ ಎಲೆಗಳು ೫೨ ವಾರಕ್ಕೆ ಒಂದೊಂದು 

                   ೪ ರಂಗುಗಳು - ಒಂದೊಂದು ಸೀಸನ್ನಿಗೆ ಒಂದೊಂದು ರಂಗು 

                   ಒಟ್ಟು ಜೋಕರ್ ಸೇರಿಸಿಕೂಡಿಸಿದರೆ ೩೬೫ ..ಅಂದರೆ ಒಂದು ವರ್ಷ ೩೬೫ ದಿನಗಳು ಅಲ್ವೇ 

ನಗುವ ಹೂವು 

ಅಜ್ಜ ನಗುತ್ತಿದ್ದರು.. ಈ ಕಗ್ಗದ ತಿರುಳನ್ನು ಈ ಸಿನಿಮಾ ಸಂಭಾಷಣೆಯಾಗಿ ಎಷ್ಟು ಚೆನ್ನಾಗಿ ಅಳವಡಿಸಿದ್ದಾರೆ.. ಆ ಸಂಭಾಷಣಕಾರನಿಗೊಂದು ನಮಸ್ಕಾರ ಅಂದರು.. 

ಕಗ್ಗ ನಮ್ಮ ಮನೋದೊಳಗೆ ಪ್ರಶ್ನೆ ಹುಟ್ಟಿಸುತ್ತದೆ.. ಏನಿದು ಶಿವಲೀಲೆ.. ಅಗ್ನಿ ಗೋಲಗಳು.. ತಿರುಗುವ ಉಂಡೆಗಳು.. ಎಂಥಹ ಸೃಷ್ಟಿಯಿದು.. ಅನ್ನುವ ಕಗ್ಗದ ಪ್ರಶ್ನೆಗೆ.. ಅನೇಕ ಕಗ್ಗಗಳಲ್ಲಿ ಉಲ್ಲೇಖವಾಗಿರುವ ಪ್ರಕೃತಿಯ ರಚನೆಯ ತಿರುಳನ್ನು ಸಿನೆಮಾ ಸಂಭಾಷಣೆಯೊಳಗೆ ಇಳಿಸಿದ್ದಾರೆ.. !