Sunday, February 7, 2021

Some Stories Are Real!

ಕೆಲವು ಮಾತುಗಳು ಕೆಲವು ಪದಗಳನ್ನು ನೋಡಿದಾಗ ಕೇಳಿದಾಗ ಮನದಾಳದಲ್ಲಿ ಇಳಿಯುತ್ತದೆ.. ಅದಕ್ಕೆ ಒಂದು ಸ್ಪಷ್ಟ ರೂಪ ಕೊಟ್ಟಾಗ ಒಂಭತ್ತು ತಿಂಗಳು ಕಳೆದು ಮೇಲೆ ಮಗುವನ್ನು ಹೆತ್ತಷ್ಟೆ ಖುಷಿಯಾಗುತ್ತದೆ.. ಹೀಗೆ ಒಂದು ಕಥಾನಕ .. 

********

ಏನ್ ಸೀಮಾ ಹೇಗಿದ್ದೀಯಾ?

ಬೆಳಗಿನ ಜಾವ ಸಕ್ಕರೆ ನಿದ್ದೆಯಲ್ಲಿದ್ದ ಸೀಮಾ.. "ಶ್ರೀ ಶ್ರೀ.. ನೋಡಿ ಯಾರೋ ನನ್ನ ಕರೀತಾ ಇದ್ದಾರೆ" ಅಂದಳು..  ನನಗೆ ನಿದ್ದೆ ಬಂದರೆ ಮುಗೀತು.. ಮೈ ಮೇಲೆ ಆನೆ ಹೋದರೂ ಎಚ್ಚರವಾಗಲ್ಲ.. ಮತ್ತೆ ಮತ್ತೆ ಹೇಳಿದಾಗ.. ಎಚ್ಚರವಾಯಿತು.. ಏನ್ಲಾ ಅಂದೇ.. 

ನೋಡ್ರಿ. ಯಾರೋ ಮಾತಾಡಿಸುತ್ತಾ ಇದ್ದಾರೆ.. ಮತ್ತೆ ಹೇಳಿದಾಗ.. ನಿನ್ನ ಕರೀತಾ ಇದ್ದಾರೆ ಅಂದರೆ ನೀನೆ ಮಾತಾಡು ಅಂದೇ.. 

ಆಗ ಶುರುವಾಯಿತು ..!

                                                                               ********* 

ಇರುವುದೆಲ್ಲವ ಬಿಟ್ಟು ಉಳಿದೆಡೆ ತುಡಿವುದೇ ಜೀವನ ಅನ್ನುವ ಅಡಿಗರ ಗೀತೆಯಂತೆ..... ಜೀವನದ ಇನ್ನೊಂದು ಮಗ್ಗುಲಿಗೆ ಹೊರಟಿದ್ದ ಗಣೇಶ.. ಜನಸೇವೆಯತ್ತ ಮನಸ್ಸು ಎಳೆದಿತ್ತು..ತನು ಮನವನ್ನು ಅದರೆಡೆ ಅರ್ಪಿಸಿ.. ತನ್ನ ನೆಚ್ಚಿನ ರಾಯಲ್ ಎಂಫಿಎಲ್ಡ್ ಹತ್ತಿ ಬೆನ್ನಿಗೆ ಒಂದು ಬ್ಯಾಕ್ ಪ್ಯಾಕ್ ಹೊತ್ತು ಹೊರಟಿದ್ದ.. ಬೆನ್ನಿನ ಮೇಲೆ ಭಾರವಿತ್ತು.. ಹೃದಯ ಭಾರವಾಗಿತ್ತು.. ಹಗುರಾಗಲು ಒಂದು ಲಾಂಗ್ ಸೋಲೋ ಡ್ರೈವ್ ಹೊರಟಿದ್ದ.. ಬೆಟ್ಟ ಗುಡ್ಡ ನದಿ ತೀರ ಜಲಪಾತ ಸಮುದ್ರ ಕಾನನ ಎಲ್ಲವೂ ಅವನ ತಲೆಯೊಳಗೆ  ಇತ್ತು.. ಒಂದೊಂದೇ ತಾಣವನ್ನು ನೋಡುತ್ತಾ ಸಾಗಿದ.. 

ಒಬ್ಬನೇ ಇದ್ದದರಿಂದ ಯೋಚನೆ ಇರಲಿಲ್ಲ.. ಎಲ್ಲಿ ಬೇಕು ಅಲ್ಲಿ ಉಳಿಯುತಿದ್ದ.. ತಿನ್ನುತ್ತಿದ್ದ.. ಸ್ನಾನ ಮಾಡುತ್ತಿದ್ದ.. ಒಂದು ರೀತಿಯ ಸಂತಸ ಮೈಯಲ್ಲಿ ಹರಡುತ್ತಿತ್ತು.. ಕಿಮೀಗಳು ಹೆಚ್ಚಾಗುತ್ತಿದ್ದ ಹಾಗೆಲ್ಲ ಮೈ ಹಗುರಾಗುತ್ತಲೇ  ಇತ್ತು..

ಒಂದು ವಾರವೇ ಕಳೆದಿತ್ತು.. ಒಂದು ನದಿ ತೀರದಲ್ಲಿ ತನ್ನ ಕೊಳೆಯಾಗಿದ್ದ ಬಟ್ಟೆಗಳನ್ನು ಬ್ಯಾಗಿನಿಂದ ತೆಗೆದು ಒಗೆದು ಒಣಗಲು ಹಾಕಿದ್ದ.. ಬೈಕನ್ನು ಒಂದು ಮರದ ನೆರಳಲ್ಲಿ ನಿಲ್ಲಿಸಿ ಹಾಗೆಯೇ ಹತ್ತಿರದಲ್ಲಿದ್ದ ಒಂದು ಬಂಡೆಯ ಮೇಲೆ ಮಲಗಿದ್ದ.. ತುಸು ಚೆನ್ನಾಗಿಯೇ ನಿದ್ದೆ ಬಂದಿತ್ತು.. 

ಒಂದು ವಾರದ ಪಯಣ.. ನಿತ್ರಾಣನಾಗಿದ್ದರೂ ಮನವೂ ಹತ್ತಿಯ ಹಾಗೆ ಹಗುರಾಗಿದ್ದರಿಂದ ದಣಿವಿನ ಆಲಸ್ಯ ಹತ್ತಿರ ಬಂದಿರಲಿಲ್ಲ.. ಆದರೆ ನದಿ ತೀರದ ತಂಗಾಳಿ, ಹಕ್ಕಿಗಳ ಕಲರವ.. ಆ ಪ್ರಕೃತಿ ಸೌಂದರ್ಯ ಅವನ ಮನಸ್ಸಿಗೆ ಹಾಯ್ ಅನ್ನಿಸುವಂತೆ ಮಾಡಿತ್ತು.. !!!

"ಏನ್ರಿ ಮಿಸ್ಟರ್.. "
 
ಆ ಇಂಪಾದ ದನಿಗೆ ಕಿವಿಗಳು ತೆರೆದುಕೊಂಡಿತು.. 

ಕಣ್ಣು ಬಿಟ್ಟಾ.. ಸುಮಾರು ಐದು ಅಡಿ ಆಸುಪಾಸಿನ ಎತ್ತರ.. ತುಸು ದಪ್ಪ ಅನ್ನಬಹುದಾದ ಶರೀರ... ಹಾರಾಡುತ್ತಿದ್ದ ಕೂದಲು.. ಹಾಕಿಕೊಂಡಿದ್ದ ಹೆಲ್ಮೆಟ್ ಸಂದಿಗೊಂದಿಗಳಿಂದ ನಾ ಇದ್ದೇನೆ ಎಂದು ತೋರಿಸುತಿತ್ತು... ಕಣ್ಣಿಗೆ ಹಾಕಿಕೊಂಡಿದ್ದ ಕಪ್ಪನೆಯ ಕನ್ನಡಕದಲ್ಲಿ ಯಾರೂ ಅಂತ ಗೊತ್ತಾಗಲಿಲ್ಲ .. ಪಿಂಕ್ ಬಣ್ಣದ ಟೀ ಶರ್ಟ್.. ಕಡು ನೀಲಿ ಬಣ್ಣದ ಜೀನ್ಸ್.. ರೀಬೋಕ್ ಶೂಸ್.. ಕೈವಗಸು. .. ಕುತ್ತಿಗೆಯಲ್ಲಿ ನೇತಾಡುತಿದ್ದ ಬ್ಲೂ ಟೂತ್ ಹ್ಯಾಂಡ್ಸ್ ಫ್ರೀ .. ಎಲ್ಲವನ್ನು ನೋಡಿದಾಗ ಒಂದು ರೀತಿಯ ಆಕರ್ಷಣೆ ಇದೆ ಅನ್ನಿಸಿತು.. 

ಸುತ್ತಲೂ ನೋಡಿದ.. ಅರೆ ತನ್ನ ಬೈಕಿನ ಹತ್ತಿರವೇ ಇನ್ನೊಂದು ಅದೇ ಬಣ್ಣದ ಬೈಕ್.. ಆಕೆ ಹೆಲ್ಮೆಟ್ ತೆಗೆಯದೆ ಹಾಗೆ ಬಂದದ್ದು.. ಆಕೆಯ ಗುರುತು ಹತ್ತಲು ಕಷ್ಟವಾಗುತಿತ್ತು.. ಅದರ ಅರಿವಾಗಿ.. "ಛೆ" ಎಂದುಕೊಂಡು.. ಮೆಲ್ಲನೆ ಹೆಲ್ಮೆಟ್ ತೆಗೆದು.. ಕೂದಲನ್ನು ಸರಿಮಾಡಿಕೊಳ್ಳಲ್ಲು ತಲೆಯನ್ನು ಆ ಕಡೆ ಈ ಕಡೆ ಜೋರಾಗಿ ಆಡಿಸಿದಳು.. ಯು ಶೇಪ್ ಮಾಡಿಸಿಕೊಂಡಿದ್ದ ತುಸು ಕಪ್ಪು ತಲೆಗೂದಲು ಬೆನ್ನ ಮೇಲೆಲ್ಲಾ ನೃತ್ಯವಾಡಗಿತು.. 

ಕನ್ನಡಕ ಅರ್ಥಾತ್ ಕೂಲಿಂಗ್ ಗ್ಲಾಸ್ ತೆಗೆದಳು.. ಕಾಡಿಗೆಯನ್ನು ನಾಚಿಸುವಷ್ಟು ಕಪ್ಪಾದ ಅವಳ ಕಣ್ಣುಗಳು ಆಕರ್ಷಿತವಾಗಿತ್ತು.. ಹಾಗೆ ಒಮ್ಮೆ ಗಮನಿಸಿದೆ.. ತುಸು ನೀಳವಾದ ಮೊಂಡಾದ ಮೂಗು.. ಮೂಗುತಿ ಚುಚ್ಚಿಸಿಕೊಂಡು ಅದನ್ನು ತೆಗೆಸಿದ್ದರಿಂದ ಚುಚ್ಚಿಸಿಕೊಂಡ ಗುರುತು ಹಾಗೆ ಇತ್ತು. ..ಪುಟ್ಟ ಪುಟ್ಟ ತುಟಿಗಳು.. ಆಕೆಯ ಸುಂದರತೆಯನ್ನು ಹೆಚ್ಚಿಸಿತ್ತು.. 

ಇದೆಲ್ಲಾ ಸುಮಾರು ಒಂದು ಹದಿನೈದು ಸೆಕೆಂಡುಗಳಲ್ಲಿ ನೆಡೆದು ಹೋಯಿತು.. 

"ಯಸ್" ಅಂದ.. 

"ಮಿಸ್ಟರ್ ನಾನು ಲಾವಣ್ಯ... ಬೈಕ್ ಸವಾರಿ ನನ್ನ ನೆಚ್ಚಿನ ಹವ್ಯಾಸ.. ಇಲ್ಲೇ ಬರುತ್ತಾ ಬರುತ್ತಾ ದಾರಿ ತಪ್ಪಿದೆ ಅನ್ನಿಸುತ್ತೆ.. ಹಾಗೆ ಬರುತಿದ್ದಾಗ ಈ ನಿರ್ಜನ ಪ್ರದೇಶದಲ್ಲಿ ನಿಮ್ಮ ಬೈಕ್ ಕಾಣಿಸಿತು.. ನೀವು ಬಟ್ಟೆಗಳನ್ನು ಒಣ ಹಾಕಿದ್ದು.. ಇಲ್ಲಿ ಮಲಗಿದ್ದು ಕಂಡು.. ಓಹೋ ನೀವು ನನ್ನ ಹಾಗೆ ಅಲೆಮಾರಿ ಇರಬಹುದು ಅನಿಸಿ.. ನಾನು ಸ್ವಲ್ಪ ಹೊತ್ತು ಇಲ್ಲೇ ಇದ್ದು ನಂತರ ಹೊರಡೋಣ ಅಂತ ಕೂತೆ.. "

"ಓಹ್ ಹೌದಾ ನನ್ನ ಹೆಸರು  ಗಣೇಶ.. ಹೀಗೆ ಸುತ್ತಾಡೋಣ ಅಂತ ಒಬ್ಬನೇ ಬಂದಿದ್ದೀನಿ" ಅಂತ ತನ್ನ ಪರಿಚಯವನ್ನು ತುಸು ಪುಟ್ಟದಾಗಿ ಹೇಳಿ ಮುಗಿಸಿದ.. 

ಇಬ್ಬರಿಗೂ ಹೇಗೆ ಮಾತುಗಳನ್ನು ಮುಂದುವರೆಸಬೇಕು ಎನ್ನುವ ಗೊಂದಲ.. ಹೂ ಹಾಂ ಹೊ ಹೀಗೆ ಅವಳ ಮಾತಿಗೆ ಇವನು....ಇವನ ಮಾತಿಗೆ ಅವಳು ಉತ್ತರ ಕೊಡುತ್ತಿದ್ದಳು.. 

ಇಬ್ಬರದೂ ಸುಮಾರು ಒಂದೇ ರೀತಿಯ ಮನಸ್ಸಾಗಿತ್ತು.. ಇಬ್ಬರ ವೃತ್ತಿ ಬದುಕು ಸಾಫ್ಟ್ವೇರ್ ಉದ್ಯೋಗ ಆಗಿದ್ದರಿಂದ.. ತಲೆ ನೋವು, ಗಲಿಬಿಲಿಯಾಗಿದ್ದ ಮನಸ್ಸು, ಗೊಂದಲ.. ಕೆಲಸದ ಒತ್ತಡ ಎಲ್ಲವೂ ಒಂದೇ ತಕ್ಕಡಿಯಲ್ಲಿ ಕೂತಿತ್ತು... ಹೆಚ್ಚಿಲ್ಲ ಕಡಿಮೆಯಿಲ್ಲ.. 

ಹೀಗೆ ಸುಮಾರು ಹೊತ್ತು ಮಾತಾಡಿದ ಮೇಲೆ ಇಬ್ಬರ ಬಗ್ಗೆ ಮೂಡಿದ ವಿಷಯಗಳು ಹಲವಾರು.. ಇಬ್ಬರಿಗೂ ಬಾಲ ಸಂಗಾತಿ ಬೇಕಿತ್ತು.. ಇನ್ನೂ ಮದುವೆಯಾಗಿರಲಿಲ್ಲ.. ಸುಮಾರು ಎಪ್ಪತೆಂಟರ ಆಸು ಪಾಸಿನಲ್ಲಿದ್ದರು. .. ಮನೆಯಲ್ಲಿ ಸಮಸ್ಯೆ ಅಂದರೆ ಸಮಸ್ಯೆ ಇಲ್ಲ ಅಂದರೆ ಇಲ್ಲ ಅನ್ನುವ ಹಾಗೆ ಇತ್ತು.. ಇಬ್ಬರೂ ತಮ್ಮ ಬದುಕನ್ನು ರೂಪಿಸಿಕೊಳ್ಳಬೇಕಿತ್ತು.. 

ಈ ಜಂಜಾಟದಿಂದ ತಪ್ಪಿಸಿಕೊಂಡು ಒಂದಷ್ಟು ದಿನ ಗಿಜಿ ಗಿಜಿ ನಗರವಾಸನೆಯಿಂದ ದೂರ ಹೋಗಬೇಕು ಎನ್ನುವ ನಿರ್ಧಾರಕ್ಕೆ ಬಂದಿದ್ದರು.. 

ಅದೇನೋ ದೇವರ ಆಟ . ಈ ನಿರ್ಜನ ಪ್ರದೇಶದಲ್ಲಿ ಸಿಕ್ಕಿದ್ದರು.. 

ಅಂದಿನ ದಿನ ಆಕೆಯೂ ಕೂಡ ಅಲ್ಲಿಯೇ ಉಳಿದಳು.. ಆಕೆ ತುಸು ಹೆಚ್ಚಾಗಿಯೇ ಸಿದ್ಧವಾಗಿ ಬಂದಿದ್ದಳು... ಅವಳ ಬೈಕಿನಲ್ಲಿ ಟೆಂಟ್ ಕೂಡ ಇತ್ತು.. ಸರಿ ಇಬ್ಬರೂ ಶ್ರಮ ಪಟ್ಟು ಟೆಂಟ್ ಕಟ್ಟಿದರು... ಗಣೇಶ ಅಲ್ಲಿಯೇ ಬಿದ್ದಿದ್ದ ಕಡ್ಡಿ, ಒಣಗಿದ ಎಳೆಗಳು, ಪುಟ್ಟ ಪುಟ್ಟ ಮರದ ಕೊಂಬೆಗಳನ್ನು ಮುರಿದು ಹದವಾಗಿ ಬೆಂಕಿ ಮಾಡಿದ್ದ.. 

ಅವಳ ಹತ್ತಿರ ರೆಡಿ ತು ಈಟ್ ಇತ್ತು.. ಇವನ ಬಳಿತಿನ್ನುವ ಸಾಮಗ್ರಿ ಏನೂ ಇರದ ಕಾರಣ ಅವಳ ಆಹಾರ ಸಾಮಗ್ರಿಯ ಮೇಲೆ ವಾಲಿದ.. 

ರಾತಿ ಸೊಗಸಾದ ಊಟವಾಯಿತು... ಆ ತಣ್ಣನೆ ಗಾಳಿ, ಹದವಾದ ಬೆಂಕಿಯ ಶಾಖ.. ನದಿಯ ನೀರಿನ ಜುಳು ಜುಳು.. ಪ್ರಾಣಿಗಳು ಬರುವ ಸೂಚನೆ ಇರದಿದ್ದರೂ, ರಕ್ಷಣೆಗಾಗಿ ಒಂದು ದೊಡ್ಡ ಮರದ ದಿಮ್ಮಿಯನ್ನೇ ಹುಡುಕಿ ಆ ಬೆಂಕಿಯ ಬಾಯಿಗೆ ಇಟ್ಟಿದ್ದ.. ಹಾಗಾಗಿ ಬೆಳಗಿನ ತನಕ ಬೆಂಕಿ ಉರಿಯುತ್ತಲೇ ಇರುವ ಸಾಧ್ಯತೆ ಇತ್ತು.. 

ಹಾಗೆ ಅದು ಇದು ಮಾತಾಡುತ್ತಾ.. ಇಬ್ಬರ ಮನಸ್ಸು ಒಂದೇ ಹಾದಿಯಲ್ಲಿ ಯೋಚಿಸತೊಡಗಿತು.. 

"ಗಣೇಶ್ ಇಬ್ಬರೂ ನಗರವನ್ನು ಬಿಟ್ಟು ಕಾಡಿಗೆ ಬಂದಿದ್ದೇವೆ.. ಸುಮ್ಮನೆ ಎರಡು ಬೈಕ್ ಉಪಯೋಗಿಸೊಕ್ಕಿಂತ ಒಂದೇ ಬೈಕ್ ಹೇಗೆ.. ಮುಂದಿನ ಊರಿನಲ್ಲಿ ಈ ಒಂದು ಬೈಕನ್ನು ನನ್ನ ಊರಿಗೆ ಕಳಿಸುವ ಏರ್ಪಾಡು ಮಾಡಿದರೆ ಹೇಗೆ.. "

"ಒಳ್ಳೆ ಉಪಾಯ ಲಾವಣ್ಯ ಹಾಗೆ ಮಾಡೋಣ" ತುಸು ಕಡಿಮೆ ಮಾತಾಡುವ ಗಣೇಶ ಸುಮ್ಮನೆ ಯಾಕೆ ಹೆಚ್ಚು ಮಾತು ಅಂತ.. ಅಲ್ಲಿಗೆ ಮೊಟಕು ಗೊಳಿಸಿದ. 

ಮಾರನೇ ದಿನ ಸುಮಾರು ಇನ್ನೂರು ಕಿಮೀಗಳು ಆದ ಮೇಲೆ ಕಾಡಿನಿಂದ ಹೊರಗೆ ಬಂದ ಮೇಲೆ.. ಅಲ್ಲಿಗೆ ಇದ್ದ ಒಂದು ಟ್ರಾನ್ಸ್ಪೋರ್ಟ್ ಕಂಪನಿಯಲ್ಲಿ ಲಾವಣ್ಯ ತನ್ನ ಬೈಕ್, ಅದರ ದಾಖಲೆ ಪಾತ್ರಗಳು, ತನ್ನ ವಿಳಾಸ  ಎಲ್ಲವನ್ನೂ ಕೊಟ್ಟು , ರಶೀದಿ ಪಡೆದು ತಾನು ಊರಿಗೆ ಹೋದ ಮೇಲೆ ಕರೆ ಮಾಡಿ ಬೈಕ್ ತೆಗೆದುಕೊಳ್ಳುವ ಬಗ್ಗೆ ಹೇಳಿ.. ಗಣೇಶನ ಬೈಕ್ ಹತ್ತಿದಳು.. 

ಸಕ್ಕರೆ ಹಚ್ಚಿದ ಕತೆ ಎಣಿಸಬಹುದು.. ಆದರೆ ಭಗವಂತನ ಲೀಲೆ ಕಂಡವರು ಯಾರು.. 

ಒಂದು ವಾರದ ಪಯಣ.. ಇನ್ನೊಂದು ವಾರಕ್ಕೆ ಮುಂದುವರೆಯಿತು.. ಗಣೇಶನ ಜೊತೆಯಲ್ಲಿ ಪ್ರಕೃತಿ, ಪ್ರಕೃತಿಯ ಜೊತೆಯಲ್ಲಿ ಲಾವಣ್ಯ.. ಹೀಗೆ ಇಬ್ಬರಿಗೂ ಒಬ್ಬರಿಗೊಬ್ಬರು  ಇಷ್ಟವಾಗತೊಡಗಿದರು.. 

ಹದಿನೈದು ದಿನಗಳು ಕಳೆದವು.. ಮನಸ್ಸು ಹಕ್ಕಿಯಾಗಿದ್ದ ಈ ಇಬ್ಬರು ಹಕ್ಕಿಗಳು ತಮ್ಮ ತಮ್ಮ ಗೂಡಿಗೆ ಸೇರಿದ ಮೇಲೆ, ಫೋಟೋಗಳನ್ನು ಹಂಚಿಕೊಳ್ಳಲು ಒಂದು ರೆಸ್ಟೋರೆಂಟ್ ನಲ್ಲಿ ಸೇರಲು ನಿರ್ಧರಿಸಿದರು.. 

ಗುಲಾಬ್ ಜಾಮೂನ್ ಆರ್ಡರ್ ಮಾಡಿ.. ಇಬ್ಬರೂ ತಿಂದರು.. ಫೋಟೋ ಬದಲಿಸಿಕೊಂಡರು.. ಫೋಟೋಗಳ ಮೇಲೆ ಅದರ ಕತೆ.. ಪ್ರಕೃತಿ, ಜಲಪಾತ, ನದಿ ತೀರ, ಬೆಟ್ಟ ಗುಡ್ಡ, ಊಟ ತಿಂಡಿ ಎಲ್ಲವೂ ಮತ್ತೆ ಮಾತುಗಳಲ್ಲಿ ಬಂದವು 

ಇಬ್ಬರೂ ಒಂದು ಹಗ್ ಮಾಡಿಕೊಂಡು.. ತಮ್ಮ ತಮ್ಮ ಮನೆಗೆ ಬಂದರು.. 

ಇಬ್ಬರೂ ಒಬ್ಬರಿಗೊಬ್ಬರು ಮನೆ ಮುಟ್ಟಿದ ಸಂದೇಶ ಕಳಿಸಿ.. "Some Stories Are Real! " ನಮ್ಮ ಕತೆಯೂ ನಿಜವಾಗಲಿ.. ಲೆಟ್ಸ್ ಬಿಗಿನ್ ಅವರ್ ಲೈಫ್ ಟುಗೆದರ್"  

ಅಂತ ಅರಿವಿಲ್ಲದೆ ಇಬ್ಬರೂ ಒಂದೇ ರೀತಿಯ ಅರ್ಥ ಬರುವ ಸಂದೇಶ ಓದಿಕೊಂಡು ಇಬ್ಬರೂ ಹೆಬ್ಬೆರಳಿನ ಗುರುತು ಹಾಕಿದರು.. !

****
ಸೀಮಾ ಎಷ್ಟು ಚೆನ್ನಾಗಿದೆ ಅಲ್ವ ಕತೆ.. 

ಹೌದು ಸವಿತಾ ತುಂಬಾ ಇಷ್ಟವಾಯಿತು.. ಈ ಜಗವೇ ಹಾಗೆ.. ಪ್ರತಿ ದಿನವೂ ಅಚ್ಚರಿಯ ಗೂಡಾಗಿರುತ್ತದೆ.. 

ಹೌದು ಹೌದು.. ಇದೆ ಅಲ್ಲವೇ ಜೀವನ.. ಜೀವನ ಒಂದು ರಿಲೇ ಓಟ ಇದ್ದ ಹಾಗೆ.. ಕೆಲವೊಮ್ಮೆ ಒಬ್ಬರೇ ಇಡೀ ಓಟವನ್ನು ಪೂರೈಸಿದರೆ.. ಇನ್ನು ಕೆಲವೊಮ್ಮೆ ಓಡುತ್ತ ಓಡುತ್ತಾ ಇನ್ನೊಬ್ಬರ ಕೈಗೆ ಬೇಟನ್ ದಾಟಿಸಿ ಓಟ ಮುಂದುವರೆಸಲು ಅನುವು ಮಾಡಿಕೊಡುತ್ತಾರೆ.. 

ಹೌದು ನಿಜ.. ಅರೆ ಇವತ್ತು ನಿನ್ನ ಜನುಮದಿನ ಅಲ್ವೇ.. ಶ್ರೀ ಹೇಳಿದ್ದರು.. ಸವಿತಾ ಜನುಮದಿನ ಸುಂದರ ಶುಭಾಶಯಗಳು.. ನೀವು ಕಟ್ಟಿದ ಗೂಡನ್ನು ಬೆಳಗಲು ನನಗೆ ಅವಕಾಶ ಸಿಕ್ಕಿದೆ .. ನಿಮ್ಮ ಆಸೆಯಂತೆ.. ನಿಮ್ಮ ಇಷ್ಟದಂತೆ.. ಈ ಗೂಡನ್ನು ಜೋಪಾನ ಮಾಡುತ್ತೇನೆ.. ಆ ಗೂಡಿನಲ್ಲಿರುವ ಹಕ್ಕಿಗಳು ಸದಾ ಸಂತಸದಲ್ಲಿ ಇರುವಂತೆ ನೋಡಿಕೊಳ್ಳುತ್ತೇನೆ..... 




ಅದು ನನಗೆ ಗೊತ್ತು ಸೀಮಾ.. ನಿನ್ನ ಶುಭಾಶಯಗಳಿಗೆ ಧನ್ಯವಾದಗಳು ಶ್ರೀ ಆಯ್ಕೆ ಅಂದರೆ ಹಾಗೆ.. ಅವರ ನಿರ್ಧಾರಗಳ ತಕ್ಕಡಿ ಎಂದಿಗೂ ಸಮವಾಗಿಯೇ ಇರುತ್ತದೆ.. .. ಬಿಡು ಅದರ ಬಗ್ಗೆ ಇನ್ನೊಮ್ಮೆ ಹೇಳುತ್ತೇನೆ..  ಸರಿ ಮತ್ತೆ ಸಿಗೋಣ ಸೀಮಾ.. ಬರುತ್ತೇನೆ ಅರವತ್ತೈದು ದಿನಗಳಾದ ಮೇಲೆ ಮತ್ತೆ ಸಿಗೋಣ.. ಬೈ.. "

*****
ನೀ ಕಟ್ಟಿದ ಗೂಡು ಸುಂದರವಾಗಿರಲು ನಿನ್ನ ಅನುಗ್ರಹ ಸದಾ ಇರಬೇಕು. ಸವಿತಾರ್ಥಕತೆ ಎಂದಿಗೂ ಆನಂದದ ಗೂಡಾಗಿರುತ್ತದೆ... ಜನುಮದಿನದ ಶುಭಾಶಯಗಳು ಟೀ... !

Tuesday, January 26, 2021

ಪಂಚಮುಖಿಯ ಸಗ್ಗದಲ್ಲಿ ಗಣರಾಜ್ಯ ... !

ಚಂದವಳ್ಳಿ ತೋಟ ಕನ್ನಡದ ಅದ್ಭುತ ಚಿತ್ರದ ಅಂತಿಮ ದೃಶ್ಯದಲ್ಲಿ ಆ  ಊರಿನ ಪ್ರಮುಖರೊಬ್ಬರು ಹೇಳುವ ಮಾತು.. 

"ಅಣ್ಣ ತಮ್ಮಂದಿರು ಒಂದಾಗಿದ್ದರೇ ಮನೆ ಒಂದಾಗಿರುತ್ತದೆ.. 
ಮನೆ ಮನೆ ಒಂದಾಗಿದ್ದರೇ ಊರು ಒಂದಾಗಿರುತ್ತದೆ.. 
ಊರು ಊರು ಒಂದಾಗಿದ್ದರೆ ನಾಡು ಒಂದಾಗಿರುತ್ತದೆ.. 
ನಾಡು ಒಂದಾಗಿದ್ದರೆ ಯಾವ ಶಕ್ತಿನೂ ನಮ್ಮನ್ನು ಗೆಲ್ಲೋಕಾಗೋಲ್ಲ!!!!

ಅಂತಹ ಒಂದು ಅನುಭವ ಇಂದು ನನಗಾಯಿತು.. 

ವಠಾರದ ಜೀವನಕ್ಕೂ ಅಪಾರ್ಟ್ಮೆಂಟ್ ಜೀವನಕ್ಕೂ..  ಅಂತಹ ವ್ಯತ್ಯಾಸವಿಲ್ಲ.. ವಠಾರದ ಜೀವನ ಬಾಲ್ಯದಲ್ಲಿ ಕಂಡಿದ್ದೆ.. ಅಪಾರ್ಟ್ಮೆಂಟ್ ಜೀವನ ಅನುಭವಕ್ಕೆ ಈಗ ಬರುತ್ತಿದೆ.. 

ಪಂಚಮುಖಿ ಪ್ಯಾರಡೈಸ್ ಎನ್ನುವ ಈ ಪ್ಯಾರಡೈಸ್ ಗೆ ಬಂದು ಒಂದಾರು ತಿಂಗಳಾಯಿತು.. ಸ್ವತಂತ್ರ ದಿನಾಚರಣೆ ಸಂಭ್ರಮಕ್ಕೆ ಮೂಕ ಪ್ರೇಕ್ಷಕನಾಗಿದ್ದೆ.. ಗಣತಂತ್ರದ ದಿನಕ್ಕೆ ಅಳಿಲು ಸೇವೆ ಮಾಡುವ ಅವಕಾಶ ಸಿಕ್ಕಿತು. 

ಜೇನುಗಳೆಲ್ಲ ಅಲೆಯುತ್ತಾ ಹಾರಿ ಕಾಡೆಲ್ಲಾ ಕಾಡೆಲ್ಲಾ 
ಹನಿ ಹನಿ ಜೇನು ಸೇರಿಸಿದರೇನು.. ಬೇಕು ಎಂದಾಗ ತನ್ನದೆನ್ನುವ 

ಅಂತ ಅಣ್ಣಾವ್ರ ಹಾಡಿನಂತೆ.. ಪುಟ್ಟ ಪುಟ್ಟ ಹನಿಗಳು ಸೇರಿ ಈ ಸಂಭ್ರಮ ಅರಳಿತು .. 

ಒಬ್ಬೊಬ್ಬರೇ ಬಂದು ಸಮಾರಂಭಕ್ಕೆ ಸೇರಲು ಬರತೊಡಗಿದರು.. ನಮ್ಮ ದೇಶದ ಭವಿಷ್ಯ ಮಕ್ಕಳು ಓಡೋಡಿ ಬಂದರು 



ಶ್ರೀ ಸಮೀರ್ ಅವರ ಆರಂಭದ ಪುಟ್ಟ ಮಾತುಗಳು ಕಾರ್ಯಕ್ರಮಕ್ಕೆ  ಚಾಲನೆ ನೀಡಿತು.. 



ನಂತರ ಶ್ರೀ ಪದಕಿ ಅವರ ಅಮೃತ ಹಸ್ತದಲ್ಲಿ ನಮ್ಮ ದೇಶದ ಹೆಮ್ಮೆಯ ಸಂಕೇತ ತ್ರಿವರ್ಣ ಧ್ವಜರೋಹಣ ಮಾಡಿದರು.. 





ಎಲ್ಲರ ದೇಶಭಕ್ತಿ ಜಾಗೃತವಾಗುವಂತೆ ಒಂದೇ ದನಿಯಲ್ಲಿ ರಾಷ್ಟ್ರಗೀತೆ ಹಾಡಿದೆವು.. ಅದ್ಭುತ ಕ್ಷಣವಿದು.. 


ಕೊರೊನ ಎನ್ನುವ ಮಾಯಾಜಾಲದ ಜೀವಿಯನ್ನು ಎದುರಿಸುತ್ತ ಅದಕ್ಕೆ ಔಷಧಿ  ಕಂಡು ಹಿಡಿದ ನಮ್ಮ ಹೆಮ್ಮೆಯ ದೇಶದಲ್ಲಿ, ಆ ಚುಚ್ಚು ಮದ್ದನ್ನು ತೆಗೆದುಕೊಳ್ಳೋದ.. ಭಯವಾ.. ಧೈರ್ಯವಾ ಎನ್ನುವ ಗೊಂದಲಕ್ಕೆ ಶ್ರೀ ಪದಕಿಯವರ ಅನುಭವಾಮೃತ ಉಪಯುಕ್ತವಾಗಿತ್ತು.. 

ಅವರು ಹೇಳಿದ ಮಾತು "ಯುದ್ಧ ಅಂತ ಬಂದಾಗ ಮೊದಲು ಎದುರಿಸಿ ನಿಲ್ಲಬೇಕು ನಂತರ ಮಿಕ್ಕಿದ್ದು.. ಒಳ್ಳೆಯದೋ ಕೆಟ್ಟದಾಗುತ್ತೋ ಆಮೇಲೆ ಯೋಚನೆ ಮೊದಲು ಮುನ್ನುಗ್ಗಬೇಕು.. ಹಾಗಾಗಿ ಯೋಚನೆ ಮಾಡದೆ ಕೊರೊನಕ್ಕೆ ಚುಚ್ಚುಮದ್ದನ್ನು ತೆಗೆದುಕೊಳ್ಳಿ.. ನಾನೇ ಮೊದಲು ಮುಂದೆ ಬಂದು ಮದ್ದು ತೆಗೆದುಕೊಂಡೆ.. ಹೆಮ್ಮೆಯ ಕ್ಷಣವದು"  ಈ ರೀತಿಯ ಪ್ರೋತ್ಸಾಹದಾಯಕ ಮಾತುಗಳಿಗೆ ಅವರಿಗೆ ಧನ್ಯವಾದಗಳು.. !

ಶ್ರೀಮತಿ ಕಾವ್ಯ ದಂಪತಿಗಳು ದೇಶಭಕ್ತಿಯ ಗೀತೆಯನ್ನು ಸುಶ್ರಾವ್ಯವಾಗಿ ಹಾಡಿದರು.. 


ಪುಟ್ಟ ಪುಟ್ಟ ಮಕ್ಕಳು ಎಲ್ಲರಿಗೂ ಚಾಕೊಲೇಟ್ ಕೊಟ್ಟು ಸಂಭ್ರಮಕ್ಕೆ ಒಂದು ಉಪಾಂತ್ಯ ಕೊಟ್ಟರು.. ಮುಂದೆ ಒಂದಷ್ಟು ಫೋಟೋಗಳು.. ಕಾರ್ಯಕ್ರಮ ಅಂತಿಮ ಹಂತಕ್ಕೆ ಬಂತು... !



ಇದಕ್ಕೂ ಮುಂಚೆ ಬಾವುಟವನ್ನು ಆರೋಹಣ ಮಾಡುವ ಅಭ್ಯಾಸ ಇರದ ನಮಗೆ.. ವರದಾನವಾದದ್ದು ಯು ಟ್ಯೂಬ್.. ಒಂದಷ್ಟು ವಿಡಿಯೋಗಳು.. ಒಂದಷ್ಟು ಪ್ರಯೋಗಗಳು.. ಕಡೆಯಲ್ಲಿ ಹಿರಿಯರೊಬ್ಬರ ಮಾರ್ಗದರ್ಶನದಿಂದ ಬಾವುಟದ ಆರೋಹಣಕ್ಕೆ ವೇದಿಕೆ ಸಿದ್ಧವಾಯಿತು.. !





ಒಂದು ಹೆಮ್ಮೆಯ ದಿನ  ಶುರುವಾಗಿದ್ದು ಹೀಗೆ.. !  ಆ ಕ್ಷಣದ ಕೆಲವು ಸುಂದರ  ಚಿತ್ರಗಳು ನಿಮಗಾಗಿ!














Thursday, January 21, 2021

ಗೆಳತೀ ಜನುಮದಿನದ ಶುಭಾಶಯಗಳು ನಿನಗೆ

ಅಪ್ಪ... 

ಹಾ... 

ಅಪ್ಪಅಅಅಅ 

ಹಾ ಪಾಪಾ 

ನನ್ನದೊಂದು ಪ್ರಶ್ನೆ.. 

ಒಂದೇನು ಹತ್ತು ಕೇಳು ಸಾವಿರ ಕೇಳು ಪಾಪಾ 

ಸರಿ.. ಮೊದಲನೆಯದು 

೧) ನೀವು ಎಮೋಷನಲ್ ಮನುಷ್ಯ ನಾನು ಪಕ್ಕ ಪ್ರಾಕ್ಟಿಕಲ್ ಹುಡುಗಿ.. ಅದು ಹೇಗೆ ಇಬ್ಬರದೂ ಒಂದೇ ರೀತಿಯ ಮನಸ್ಸು?

೨) ಮುಂಚೆ ಯಾರದಾದರೂ ಜನುಮದಿನ ಅಂದರೆ ಸರಿಯಾಗಿ ಮಧ್ಯರಾತ್ರಿ ಒಂದು ಬ್ಲಾಗ್ ಬರೆದು ಹಾಕ್ತಿದ್ರಿ... ಆ ಅಭ್ಯಾಸ ಯಾಕೆ ಬಿಟ್ರಿ.. ಜನ ಓದ್ತಾರೋ ಇಲ್ಲವೋ.. ನೀವು ಬದಲಾಗಬೇಡಿ ಅಪ್ಪ... !

೩) ಜೀವನದಲ್ಲಿ ಕೊಟ್ಟ ತಿರುವನ್ನು ಪಾಠ ಅಂತ ತಿಳಿದು ಮುಂದೆ ಹೆಜ್ಜೆ ಇಟ್ಟಿರಿ.. ನನಗೂ ಆ ಪಾಠ ಹೇಳದೆ ಕಲಿಸಿ ಕೊಟ್ರಿ.. ನನಗಾಗಿ ಏನಾದರೂ ಒಂದು ಸಂದೇಶ ಕೊಡಿ ಅಪ್ಪ.. ನನಗೆ ನೀವು ಗುರು!

ಇಷ್ಟೇ ಅಪ್ಪ. ಈ ಮೂರು ಪ್ರಶ್ನೆಗೆ ಉತ್ತರ ಕೊಡಿ.. 

ಪಾಪಾ ಮೊದಲಿಗೆ ತಾರುಣ್ಯದ ಹಂತಕ್ಕೆ ಕಾಲಿಡುತ್ತಿರುವ ನಿನಗೆ ಜನುಮದಿನದ ಶುಭಾಶಯಗಳು... ಟೀನೇಜ್ ಅನ್ನುವ ಈ ಹಂತವನ್ನು ಇನ್ನೊಂದು ವರ್ಷ  ಅಷ್ಟೇ ಆಮೇಲೆ ಜೀವನದ ಹೈ ಸ್ಪೀಡಿಗೆ ಬಂದು ಬಿಡ್ತೀಯ.. ಅದಕ್ಕೆ ನಿನಗೆ ಶುಭಾಶಯಗಳ ಜೊತೆಯಲ್ಲಿ ಒಂದು ಮಾತು ಕೂಡ.. ನೀನು ನನಗೆ ಮಗಳಿಗಿಂತ ಸ್ನೇಹಿತೆಯಾಗಿಯೇ ಹೆಚ್ಚಾಗಿ ನೋಡಿದ್ದು.. ಹಾಗಾಗಿ ಆ ಸಲುಗೆಯಿಂದ ಹೇಳುತ್ತೇನೆ.. 

ಜೀವನದಲ್ಲಿ ಎಮೋಷನಲ್ ಆಗಿ ಇರಬೇಕು ಪಾಪಾ.. ಅದು ಗಿಡಕ್ಕೆ ಹಾಕುವ ನೀರು ಗೊಬ್ಬರ ಇದ್ದಂತೆ.. ಎಮೋಷನಲ್ ವ್ಯಕ್ತಿಗಳು ಘಾಸಿಗೊಳಗಾಗಬಹುದು ಆದರೆ ಅದನ್ನು ತಡೆದು ಹಿಮ್ಮೆಟ್ಟಿಸುವ ಸಾಮರ್ಥ್ಯ ಇರುತ್ತದೆ.. ಪ್ರಾಕ್ಟಿಕಲ್ ಆಗಿ ಈ ವ್ಯಾಪಾರಿ ಪ್ರಪಂಚದಲ್ಲಿ ಇರಬೇಕು ನಿಜ.. ಆದರೆ ಎಲ್ಲವನ್ನು ತಕ್ಕಡಿಯಲ್ಲಿ ತೂಗು ಹಾಕುವೆ ಎಂದು ಹೆಜ್ಜೆ ಹಾಕಬಾರದು.. 

ಹಲವಾರು ಬಾರಿ.. ನಾ ಕಮಿಟ್ ಆಗಿಲ್ಲ.. ಕಮಿಟ್ ಆಗೋಲ್ಲ.. ನನಗೆ ಇವರು ಬೇಡ ಅವರು ಬೇಡ ಅನ್ನೋಕ್ಕಿಂತ.. ಎಲ್ಲರೂ ಬೇಕು ಎಲ್ಲರೊಳಗೆ ನಾನು ಅಂತ ಹೆಜ್ಜೆ ಹಾಕಬೇಕು. ಹೌದು ಕೆಲವೊಮ್ಮೆ ಕೆಲವು ವ್ಯಕ್ತಿಗಳು ಬೇಡ ಅನ್ನಿಸುತ್ತೆ.. ಆದರೆ ಅವರನ್ನು ದೂರ ಇಡುವ ಬದಲು.. ಮನದೊಳಗೆ ಜಾಗ ಕೊಟ್ಟು ಆ ವ್ಯಕ್ತಿಗೆ ಬೆಲೆ ಕೊಡು.. ಆಗ ಚಿಪ್ಪಿನೊಳಗೆ ಮುತ್ತು ಸೇರಿ ಭದ್ರವಾದಂತೆ ಮನಸ್ಸು ಭದ್ರವಾಗುತ್ತದೆ.. 

ಯೌವ್ವನಕ್ಕೆ ಕಾಲಿಡುತ್ತಿರುವ ನಿನಗೆ ಇದೆ ನಾ ಗುರುವಾಗಿ ಹೇಳುವ ಮಾತು.. !

ಇನ್ನೂ ಎರಡನೇ ಪ್ರಶ್ನೆ.. ಇದೆ ಪ್ರಶ್ನೆಯನ್ನು ನಾ ನಿನಗೆ ಕೇಳುತ್ತೇನೆ.. ಈ ದಿಢೀರ್ ಯಶಸ್ಸು, ದಿಢೀರ್ ಗುರುತಿಸುವಿಕೆಯಿಂದ ಖುಷಿ ಸಿಕ್ಕರೂ ಅದು ನೀರಿನ ಗುಳ್ಳೆಯಂತೆ. ವಾಟ್ಸಾಪ್, ಇನ್ಸ್ಟಾಗ್ರಾಮ್, ಆ ಗ್ರಾಂ, ಈ ಗ್ರಾಂ ಒಳ್ಳೆಯದೇ. ಆದರೆ ಮನದ ಯೋಚನೆಗಳಿಗೆ ರೆಕ್ಕೆ ಕಟ್ಟಿ ಹಾರಿ ಬಿಡುವ ಬ್ಲಾಗ್ ಸದಾ ದೇವಾಲಯದಲ್ಲಿ ಬೆಳಗುವ ನಂದಾ ದೀಪದಂತೆ.. ನಿನ್ನ ಬ್ಲಾಗ್ ಬರಹಗಳನ್ನು ಮುಂದುವರೆಸು.. 

ಹಾ ಹೌದು.. ಕೆಲ ಕಾಲ ಮಧ್ಯರಾತ್ರಿ ಪೋಸ್ಟ್ ಮಾಡುತ್ತಿದ್ದ ಆ ಬ್ಲಾಗ್ ಬರಹಗಳನ್ನು ನಿಲ್ಲಿಸಿದ್ದೆ.. ನಿನ್ನ ಜನುಮದಿನದಿಂದಲೇ ಶುರು ಮಾಡುತ್ತೇನೆ.. ಮತ್ತೆ ಶುರುವಾಗುತ್ತೆ ನನ್ನ ಮಿಡ್ ನೈಟ್ ಜನುಮದಿನದ ಬ್ಲಾಗ್ ಬರಹಗಳು.... !

ಮೂರನೆಯ ಪ್ರಶ್ನೆಗೆ ಉತ್ತರ ನಿನ್ನ ಪ್ರಶ್ನೆಯಲ್ಲಿಯೇ ಇದೆ.. ಜೀವನದ ತಿರುವುಗಳು ಭಗವಂತ ಕೊಟ್ಟ ಪಾಠದ ಅಧ್ಯಾಯಗಳು... ಜೀವನವನ್ನು ನಿಂತ ನೀರಾಗಿಸದೆ... ಹೆಜ್ಜೆ ಹಾಕುತ್ತಾ.. ಕಲ್ಲು ಬಂಡೆಗಳನ್ನು ಸೀಳಿಕೊಂಡು, ಜಲಧಾರೆಯಾಗಿ ಧುಮುಕಿ ಯಶಸ್ಸು ಎಂಬ ಸಾಗರದತ್ತ ಹರಿಯುತ್ತಾ ಸಾರ್ಥಕತೆಯ  "ಸೀಮಾ" ರೇಖೆಯನ್ನು ದಾಟಿ "ಸವಿತಾ"ರ್ಥಕತೆಯನ್ನು ಪಡೆಯಬೇಕು.. !

ಅಪ್ಪ ಸೂಪರ್ ಅಪ್ಪ... ಕಡೆಯ ಸಾಲು ಸೂಪರ್.. ಹಾಗೆ ನಿಮ್ಮ ಮೂರು ಪ್ರಶ್ನೆಗಳ ಉತ್ತರವೂ ಸೂಪರ್.. ಖಂಡಿತ ನಿಮ್ಮ ಜೊತೆಯಲ್ಲಿ ನಿಮ್ಮ ಮನದ ಜೊತೆಯಲ್ಲಿಯೇ ಹೆಜ್ಜೆ ಹಾಕುವೆ... ಬ್ಲಾಗ್ ಶುರು ಮಾಡುವೆ.. ಮನದ ಮಾತುಗಳನ್ನು ಬರಹದಲ್ಲಿ ಕಾಣಿಸುವ ಪ್ರಯತ್ನ ಮಾಡುವೆ.. ಹಾಗೆ ನಿಮ್ಮ ನೂರು ಮೆಟ್ಟಿಲುಗಳನ್ನು ಇಡುವ ಬ್ಲಾಗ್ ತರಹ ನನ್ನ ನೂರು ಆಶಯಗಳನ್ನು ಸಾಧನೆಗಳ ಕಡೆ ಹೆಜ್ಜೆ ಇಡುವ ಪಟ್ಟಿಯನ್ನು ಬರೆಯುವೆ.. ಇದು ನಾ ನಿಮಗೆ ಕೊಡುತ್ತಿರುವ ಭರವಸೆ.. !

ಗುಡ್ ಪಾಪಾ... ಜನುಮದಿನ ಸುಂದರವಾಗಿಇರಲಿ .. ಸುಂದರವಾಗಿಯೇ ಸದಾ ನಳ ನಳಿಸಲಿ.. !